රුසියානු අධිකරණයක් ෆේස්බුක් සමාජ මාධ්‍යයට තහනමක් පනවා තිබේ. එරට අධිකරණය පෙන්වා දෙන්නේ, ෆේස්බුක් සමාජ මාධ්‍ය අන්තවාදීව කටයුතු කරන බවයි.

චීනයේ සහ ශ්‍රී ලංකාවේ වියතුන් හා විශේෂඥයන්ගේ මාර්ගගත සංවාද සම්මන්ත්‍රණයක් පැවැත්වෙයි. ඒ, 18 වැනිදා, නිරිතදිග චීනයේ යුනාන් පළාතේ අගනුවර වන කුන්මිං හිදී ය.

හවුති කැරළිකරුවන් සෞදි අරාබියේ ප්‍රදේශ රැසකට ඊයේ ප්‍රහාර එල්ල කර තිබේ.

යුක්‍රේනයේ, මරියුපෝල් නගරයෙන් ඉවත් වන ලෙස එරට සාමාන්‍ය ජනතාවට රුසියාව දැනුම් දී තිබේ. යුක්‍රේන හා රුසියානු හමුදා අතර එම නගරයේ දරුණු සටන් පවතින බවයි, වාර්තා වන්නේ.

යුක්‍රේන අර්බුදයට, අමෙරිකාව ප්‍රමුඛ නේටෝ සංවිධානය වගකිවයුතු බවට දකුණු අප්‍රිකාවේ ජනාධිපති සිරිල් රමපෝසා චෝදනා කරයි.

උතුරු කොරියාව යළි මිසයිල අත්හදා බැලීමක් සිදුකර තිබේ. එය අසාර්ථක වි ඇති බවයි දකුණු කොරියානු බලධාරීන් පවසන්නේ.