ඒ අනූව, ඉකුත් පැය 24 තුළ එරටින් හඳුනා ගැනුණු ආසාදිතයන් සංඛ්‍යාව දෙලක්ෂ 94,290ක්. එරට දෛනික ආසාදිතයන් සංඛ්‍යාව ලක්ෂ දෙකේ සීමාව ඉක්මවා ගියේ අඛණ්ඩව 8 වැනි දිනටයි. එම කාලසීමාව තුළ එරට සිදුව ඇති කොරෝනා මරණ සංඛ්‍යාව 2,020ක්.
ඒ අනූව කොරෝනා වෛරසයේ දෙවැනි රැල්ලෙන් සමස්ත ඉන්දියාවම ආක්‍රමණය වී තිබේ. ඇතැම් විදෙස් මාධ්‍ය වාර්තා කළේ, ඉන්දියාව මේ වන විට අතීතයේ විශාලා මහනුවර තත්වයට පත්ව ඇති බවයි.
එරට බොහෝ ප්‍රාන්තවල වෛරසය පාලනය කර ගත නොහැකි තත්වයකට පත්ව තිබේ. මේ වන විට වැඩිම බලපෑමකට ලක්ව ඇති ප්‍රාන්ත අතර, එරට වැඩිම ජනගහනයක් වෙසෙන උත්තර් ප්‍රදේශ් ප්‍රාන්තය ඉදිරියෙන් පසු වෙයි.
