විදෙස් මාධ්‍ය වාර්තා කළේ එහිදී විරෝධතාකරුවන් විසින් අමෙරිකානු තානාපති කාර්යාලයේ ගොඩනැගිලිවලට ගිනි තබා ඇති බවයි. ඉරාන පිටුබලය ලබන ඉරාක සටන්කාමීන් ඉලක්ක කර ගනිමින් මැතකදී එක්සත් ජනපද ගුවන් ප්‍රහාර එල්ල කිරීම නිසා, කෝපයට පත් විරෝධතාකරුවන් මෙලෙස කලහකාරී ලෙස හැසිරී තිබේ.
අගනුවර දැඩි ලෙස ශක්තිමත් වූ ආරක්ෂිත කලාපය උල්ලංඝණය කළ පිරිසක් විසුරුවා හැරීම සඳහා එක්සත් ජනපද හමුදා කඳුළු ගෑස් ප්‍රහාරයක් ද එල්ල කර ඇති බවයි, එරට මාධ්‍ය වාර්තා කරන්නේ. බටහිර ඉරාකයේ සහ නැගෙනහිර සිරියාවේ කටයිබ් ඉස්බුල්ලා සටන්කාමීන් හා සම්බන්ධ කඳවුරුවලට එක්සත් ජනපද හමුදා පසුගිය ඉරාදා බෝම්බ හෙලීමෙන් අවම ලෙස සටන්කරුවන් 25 දෙනෙක් මියගිය බව වාර්තා වෙයි.
