තරගය අද පැවැත්වුණේ, බ්‍රිස්බේන් හිදී. කාසියේ වාසිය දිනා ගත් බංග්ලාදේශය පළමුවෙන් පන්දුවට පහර දීමට තීරණය කළා. ඒ අනුව, ඔවුන් පන්දුවාර 20 අවසානයේ කඩුලු 7 ක් දැවී රැස් කළ ලකුණු සංඛ්‍යාව 150 ක්. වැඩිම ලකුණුලාභියා වෙමින් නජ්මුල් හුසේන් ලකුණු 71 ක් ලබා ගත්තා. පන්දු 55 කදී ගොඩනැගුණු ඔහුගේ ඉනිමට 4 පහර 7 ක් සහ 6 පහරක් ඇතුළත්. අෆීෆ් හොසේන්, ලකුණු 29 යි. පන්දු යැවීමේදී ගරවා සහ ‍බ්ලෙසින් මුසරබානි අතර කඩුලු 2 බැගින් බෙදී ගියා. පිළිතුරු ඉනිම ක්‍රීඩා කළ සිම්බාබ්වේ කණ්ඩායමේ පළමු කඩුලු 4 දැවී ගියේ, ලකුණු 35 කට. රෙගිස් චකබ්වා ලකුණු 15 ක් රැස් කළා.