ගෝඨාභය රාජපක්ෂ මහතාගේ ද්විත්ව පුරවැසිභාවය නීත්‍යානුකූල අයුරින් ඉවත් කරගත්තේද යන්න සැකසහිත බැවින් එ්වෙනුවෙන් නැවතත් අධිකරණයට යාමට ඉඩකඩ පවතින බව මහාචාර්ය චන්ද්‍රගුප්ත තේනුවර මහතා පවසයි.

ඩී. ඒ. රාජපක්ෂ අනුස්මරණ කෞතුකාගාරය ඉදිකිරීම සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන්ට නඩුවේ විභාගය ඔක්තෝබර් 01 වනදා තෙක් අත් හිටුවීමට ශ්‍රේෂ්ඨාධිකරණය අද නියෝග කළේය.

හම්බන්තොට, මැදමුලන ඩී. ඒ. රාජපක්ෂ අනුස්මරණ කෞතුකාගාරය ඉදිකිරීමෙන් රජයට රුපියල් මිලියන තිස් 33.9 ක පාඩුවක් සිදු කිරිමේ චෝදනා ලැබ සිටින හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් හත් දෙනෙකුට එරෙහිව නඩුව විභාගය ජුලි 26 වනදා තෙක් කල් තැබීමට කොළඹ ත්‍රිපුද්ගල විශේෂ මහාධිකරණය නියම කර තිබේ.