ශ්‍රී ලංකාවේ එක්සත් ජාතීන්ගේ කාර්යාලය ට්විටර් පණිවුඩයක් නිකුත් කරමින් ප්‍රජාතන්ත්‍රවාදී ජනාධිපතිවරණයක් පැවැත්වීම පිළිබඳව ප්‍රසාදය පළ කළේය. තිරසර සංවර්ධනය, සාමය, සංහිදියාව හා මානව හිමිකම් සම්බන්ධව ශ්‍රී ලංකා රජය හා ජනතාව සමග සමීපව කටයුතු කිරීමට සූදානම් බවයි, එක්සත් ජාතීන්ගේ සංවිධානය කියා සිටින්නේ.
භූතානය ද නව ජනාධිපති ගෝඨාභය රාජපක්ෂ මැතිතුමාට සුබපැතුම් එක් කරයි. එරට විදේශ කටයුතු අමාත්‍යවරයා ට්විටර් පණිවුඩයක් නිකුත් කරමින් ප්‍රකාශ කර ඇත්තේ, ශ්‍රී ලංකාවේ අභිනව ජනාධිපතිතුමාට සිය උණුසුම් සුභාශිංසන පළ කරන බවයි.
