මිහින්තලය රජමහා විහාරයට ගිය අමාත්‍යවරයා විහාරාධිපති පූජ්‍ය වලවාහැංගුණුවැවේ ධම්මරතන හිමියන් බැහැදැක ආශීර්වාද ලබාගත්තේය. අනතුරුව විහාරස්ථාන පුදබිම නිරීක්‍ෂණය කර එහි අඩුපාඩු සොයා බැලීය. අමාත්‍යවරයා සංවර්ධන කටයුතු පිළිබඳ සාකච්ජාවකට ද එක්විය.
අනතුරුව රුවන්වැලි මහසෑය සහ මිරිසවැටිය විහාරයට පැමිණි අමාත්‍යවරයා එහි නායක හිමිපාණන් වහන්සේ බැහැදැක ආශිර්වාද ලබාගත්තේය. එම විහාරස්ථානයන්හි සංවර්ධන කටයුතු පිළිබඳව ද අමාත්‍යවරයාගේ විශේෂ අවධානය යොමුවිය. ජනතා නියෝජිතයින් ඇතුළු පිරිසක් ඊට එක්වූහ.
