ගනේමුල්ල ප්‍රදේශයේ මංගල උත්සවයකට සහභාගී වී නිවන්දම පිහිටි මනාලයාගේ නිවස කරා යමින් සිටියදීයි අනතුර සිදුව ඇත්තේ. ඉදිරියෙන් පැමිණි ත්‍රීරෝද රථයකට ඉඩදීමට යාමේ දී වෑන් රථයේ වේගය පාලනය කරගත නොහැකිවීමෙන් එය, දුරකථන කණුවක ගැටී තිබේ. එහිදී වෑන් රථයේ සිටි ගැබිණි කාන්තාවක් ඇතුළු 6 දෙනෙකු තුවාල ලබා රාගම රෝහලට ඇතුළත් කෙරිණ.
ගැබිණි කාන්තාව රියදුරාගේ බිරිඳ වන අතර ඇය සිසේරියන් සැත්කමකට භාජනය කිරීමට වෛද්‍යවරුන් කටයුතු කළේය. තුවාල ලැබූ ඉතිරි පිරිසට කුඩා දරුවන් දෙදෙනෙක් ද අයත්. වෑන් රථයට ද දැඩි අලාභහානි සිදුවිය.
