පාසල් ආරම්භ කිරීමට තිබුණේ පසුගිය 22 වැනි දිනයි.

දිවයිනේ පැවති අයහපත් ආරක්ෂක වාතාවරණය හේතුවෙන් එය කල්දෑමීමට අධ්‍යාපන බලධාරීන් පියවර ගත්තේය.

ඒ අනුව පාසල්වල ආරක්ෂාව තහවුරු කිරීමෙන් අනතුරුව අදියර දෙකක් යටතේ පාසල් ආරම්භ කිරීමට අධ්‍යාපන බලධාරීන් පියවර ගෙන ඇති අතර, ඒ අනුව 6 වසරේ සිට 13 වසර දක්වා සිසුන් සඳහා පමණක් අද (06) දිනයේ පාසල් ආරම්භ කෙරිණ.

ප්‍රාථමික අංශයන් ආරම්භ කරනු ලබන්නේ එළඹේන 13 වැනි දින බව, අධ්‍යාපනය අමාත්‍යාංශය සඳහන් කරයි.