පාර්ලිමේන්තු පනතකින් ස්ථාපිත ශ්‍රී ලංකා රූපවාහිනී සංස්ථාවේ විකාශ ආරම්භ කෙරුණේ, 1982 වසරේ පෙබරවාරි 15 වැනි දිනයි. මෙය ජපාන රජයේ පරිත්‍යාගයක්. මෙරට රූපවාහිනී ක්ෂේත්‍රයේ පුරෝගාමියා වෙමින් ඒ සඳහා උසස් ප්‍රමිතියක් සහ කලාත්මක පරිසමාප්තයික් හඳුන්වා දුන්නේ, ජාතික රූපවාහිනියයි. ශ්‍රී ලංකාවේ නිල විද්‍යුත් සන්නිවේදකයා ලෙස සමාජ ප්‍රගමනය උදෙසා පැවරෙන සියලු වගකීම නොපිරිහෙලා ඉටුකිරීමට රූපවාහිනී සංස්ථාව නිරන්තරයෙක් කැපවී සිටියි.
ශ්‍රී ලංකා රූපවාහිනී සංස්ථාව 40 වැනි සංවත්සරය සමරයි
පෙබ 14,
2022
දශක හතරකට ආසන්න කාලයක් සිය ජාතික මෙහෙවර නොපිරිහෙලා ඉටු කළ ශ්‍රී ලංකා රූපවාහිනී සංස්ථාව හෙට 40 වැනි සංවත්සරය සමරයි. ශ්‍රව්‍ය දෘශ්‍ය සම්ප්‍රදායේ ශ්‍රී ලාංකීය අනන්‍යතාව ලොවට ගෙනයමින් ජාතික රූපවාහිනිය ඉටුකරන යුග මෙහෙවර එදා මෙන්ම අදත් ජනතාවගේ ඉහළ සම්භාවනාවට පාත්‍ර වන්නක්.
ප්‍රේක්ෂකයන්ගේ ඉහළ රසඥතාව වෙනුවෙන් ජාතික රූපවාහිනිය,චැනල් අයි,නේත්‍රා යන නාලිකා තුනක් ඔස්සේ වැඩසටහන් විකාශය කෙරේ. සිංහල,දෙමළ,ඉංග්‍රීසි භාෂා ත්‍රිත්වයෙන්ම,වැඩසටහන් නිෂ්පාදනය කරන ශ්‍රී ලංකා රූපවාහිනී සංස්ථාව විශේෂයෙන්ම ජාතික හා ජාත්‍යන්තර සජීව විකාශයන්හි එදා මෙන්ම අදත් නියමුවා සහ ප්‍රමුඛයායි. ජනකොටස් අතර අන්‍යෙන්‍ය ගෞරවය, සුහදතාව හා විශ්වාසය ශක්තිමත් කිරීමට කැපවී සිටින ජාතික රූපවාහිනිය රටේ සංහිඳියා ක්‍රියාවලිය වෙනුවෙන් ද ඉටුකරමින් සිටින්නේ,සුවිශේෂ මෙහෙවරක්.
දිවයිනේ වැඩිම ආවරණ කලාපයක් හිමි සන්නිවේදකයා වන්නේ ද ජාතික රූපවාහිනියයි. නවීන තාක්ෂණයෙන් යුත් මේ ආයතනය සතු වටිනාම සමීපත නිර්මාණශීලී, නිසඟ හැකියාවන්ගෙන් පිරිපුන් නිෂ්පාදකවරුන් ඇතුළු කාර්ය මණ්ඩලයයි.
දෙස් විදෙස් සම්මාන රැසකින් පිදුම් ලබා ඇති ශ්‍රී ලංකා රූපවාහිනී සංස්ථාව, ප්‍රේක්ෂකයන්ට එදා මෙදා මෙන්ම මතුදා ද තිළිණ කරන්නේ හරවත් වැඩසටහන්.
