එහි ලේකම් විශේෂඥ වෛද්‍ය අමල් හර්ෂ ද සිල්වා මහතා සඳහන් කළේ, රාජ්‍ය ඖෂධ නීතිගත සංස්ථාව මගින් එම එන්නත් ඇණවුම් කර ඇති බවයි.
එම එන්නත් තොගය මසක් ඇතුළත මෙරටට ගෙන්වා ගැනීමට සැලසුම් කර ඇති බව ද ඔහු පැවසුවේය.
විශේෂඥ වෛද්‍ය අමල් හර්ෂ ද සිල්වා මහතා ප්‍රකාශ කළේ, තවත් එන්නත් මිලියන 3.5 ක් ඇණවුම් කිරීම සඳහා සැලසුම් කර ඇති බවයි.
මෙම ඇණවුම් දිවයිනට ලැබීමත් සමග වයස අවුරුදු 60 ට වැඩි ජනගහණයට එන්නත්කරණයට හැකි බව ඔහු ප්‍රකාශ කළේය.
ඇස්ට්‍රො සෙනිකා කොවිෂීල්ඩ් එන්නත් මාත්‍රා ලක්ෂ 5 ක් පසුගියදා ඉන්දීය රජයේ ප්‍රදානයක් ලෙස මෙරටට ලැබුණු අතර එය මේ වනවිට සෞඛ්‍ය සේවකයින්ට හා ත්‍රිවිධ හමුදා නිලධාරින්ට ලබාදීම සිදු කෙරේ.
