ඒ අනූව, බොහෝ පිරිසක් සිය විශ්‍රාම වැටුප් ලබා ගැනීම සඳහා නගර වෙතට ඊයේ පැමිණ සිටිනු දක්නට ලැබිණ. දිවයිනම ආවරණය වන පරිදි ඔවුන්ට අවශ්‍ය ප්‍රවාහන පහසුකම් සැලසීමට යුද හමුදාව පියවර ගෙන තිබේ.
විශ්‍රාමික වැටුප් නිවෙස් වෙත ලබා දීමේ වැඩසටහන යටතේ දිස්ත්‍රික් කිහිපයක තැපැල් ස්ථාන මගින් අදාළ මුදල් විශ්‍රාමිකයින් වෙත ලබා දීම ද ඊයේ ආරම්භ කෙරිණ. තැපැල්පති රංජිත් ආරියරත්න මහතා පවසන්නේ, විශ්‍රාම වැටුප් හිමියන් රජය විසින් ලබා දෙන ප්‍රවාහන පහසුකම් උපයෝගී කර ගනිමින් තැපැල් කාර්යාල කරා පැමිණීමේ අවශ්‍යතාවක් නොමැති අතර, අප්‍රේල් 4 වැනිදා වන විටත් තම විශ්‍රාම වැටුප් ලබා ගන්නා තැපැල් කාර්යාලයේ ස්ථානාධිපතිවරයාගෙන් දුරකථන ඇමතුමක් දී විමසන ලෙසයි.
