මනුෂ අභියෝගය භාරගනී - දිවුරුම් ප්‍රකාශයත් දෙන්න සූදානම්
සජිත් ප්‍රේමදාස ජනාධිපතිවරයාගේ ආණ්ඩුවක් යටතේ අලුත් වාහන මිලදී නොගැනීම ඇතුළු කොන්දේසිවලට එකගවීමටත්, මෙම කොන්දේසි කඩ කළහොත් නඩු පවරා මන්ත්‍රීධූරය අහෝසි කිරීමට හැකි පරිදි දිවුරුම් ප්‍රකාශයක් ලබාදීමට සූදානම් යැයි පාර්ලිමේන්තු මන්ත්‍රී මනුෂ නානායක්කාර පවසයි.
ලංකා ඉතිහාසයේ අදුරුතම යුගය, ප්‍රජාතනත්‍රවාදී ආණ්ඩුව පළවාහැර ව්‍යාවස්ථා විරෝධීව මහින්ද රාජපක්ෂ අගමැති වශයෙන් පත්කිරීම පාර්ලිමේන්තු මන්ත්‍රී මනුෂ නානායක්කාර මහතා පවසයි. ප්‍රජාතන්ත්‍රවාදී අගමැතිවරයා ගෙදර යවා හොර අගමැති පත්කර අද වසරක් සපිරේන බව ඔහු කියා සිටියේය. අද (26) පැවති මාධ්‍ය හමුවට මනුෂ නානායක්කාර පා.ම. ඒක් වෙමින් මේ බව පැවසීය.
පාර්ලිමේන්තු මන්ත්‍රී මනුෂ නානායක්කාර මහතා........
ඒ් හොර ආණ්ඩුව පිහිටුවලා, ගෙම්බෝ ඒකතු කරන්නවගේ කැබිනට්ටුව පත්කරමින් ගියා, අවසානයේ ඒය සම්පූර්ණ කර ගැනීමට නොහැකි වුණා. විවිධ පුද්ගලයන්ට වරදාන මුදල් දෙමින් පාර්ලිමේන්තුවේ බහුතරය හදාගැනීමට උත්සාහ කළත් ඒය අසාර්ථක වුණා. ඒදා ඒස්.බි. දිසානායක විසින් පාලිත රංගේ බණ්ඩාර කැබිනට්ටුවට ගැනීම සඳහා සිදුකළ දුරකථන සංවාදය මාධ්‍ය හමුවේ හෙලිදරව් වීම සමග සිදුවුණ කුමන්ත්‍රණය හෙලිදරව් වුවා. පාර්ලිමේන්තුව තුළ අවස්ථා තුනක දී පරාජය වීමත්, පොලිසියට සහ සහෝදර මන්ත්‍රීවරුන්ට මිරිස් කුඩු ප්‍රහාර ගැසීම සදහා මහින්ද රාජපක්ෂගේ තිබුණ අනුග්‍රහය රටටම දැක ගැනීමට හැකි වුනා.
පොලිසියට කනේ පහර, මිරිස් ප්‍රහාර ඒල්ල කළ ආකාරය දැක ගැනීමට හැකි වුනා. අවසනයේ දී පාර්ලිමේන්තුව තුළ දී තෙවතාවකුත්, අධිකරණය මගින් දෙවතාවකුත් ජනාධිපතිවරයාගේ තීන්දුව වැරදි බවට තීන්දු වීමත් සමග රජපක්ෂවරුන්ට හකුලාගෙන යන්න සිදුවුණා.
පාස්කු ප්‍රහාරය පිටපුස සිටින ත්‍රස්තවාදීන් පොෂණය කලේ, පඩි දුන්නේ කවුද කියලා දැන් ඔපුවෙලා තියෙනවා.එක පසකින් පාස්කු ප්‍රහාරයේ පිටු පස සිටින පුද්ගලයන් පොෂණය කරමින්, ජාතිවාදය සහ ආගමික අන්තවාදී කණ්ඩායම් මෙහෙයවමින් සිදුකරනු ලබන ක්‍රියාදාමය දැන් රටටම හෙලිදරව් වී තිබෙනවා. කෙහෙලිය රඹුක්වැල්ල පාස්කු ත්‍රස්තයන්ට පඩි දුන් බවට පිළි ගත්තා යැයි ඔහු පෙන්වා දුනී.
ඇමැති රිෂාඩ් බදියුදීන් වැරැද්දක් කර ඇතිනම් ඔහු ගෙදර යැවීමට පමණක් නොව හිරේ යැවීමටත් සූදානම් බව පාර්ලිමේන්තු මන්ත්‍රී මනුෂ නානායක්කාර මහතා පවසයි.
ෆේස්බුක් එකෙන් දුටු අඩුපාඩු පුරවන්න; පාසලට ගිය මනූෂ
අවම පහසුකම්වත් නොමැතිව ක්‍රීඩා කටයුතු සදහා සහභාගී වන උඩුගම විද්‍යානන්ද විද්‍යාලයේ ළමුන් පිරිසකගේ ඡායාරූප ෆේස් බුක් වෙබ් අඩවියේ පළවී තිබෙනු දුටු ගාල්ල දිස්ත්‍රික් පාර්ලිමේන්තු මන්ත්‍රී මනුෂ නානායක්කාර මහතා එම පාසලේ ළමුන්ට ක්‍රීඩා උපකරණ කට්ටලයක් පරිත්‍යාග කළේය.
හොර පාරේ රට ගිහින් අමාරුවේ වැටෙන්න එපා...
නීති විරෝධී ලෙස විදේශ රැකියා සදහා පිටත්ව ගොස් දැන දැනම අමාරුවේ නොවැටීමට ශ්‍රමිකයින් වගබලාගත යුතු බවත්, නොයෙක් කරදරවලට මුහුණදුන් බවට මාධ්‍ය ඔස්සේ හඩ නගන්නේ මෙසේ නීති විරෝධී ආකාරයට විදේශ ගතවූ පිරිස් බව ද පාර්ලිමේන්තු මන්ත්‍රී මනුෂ නානායක්කාර මහතා පවසයි.
SLFP යෙන් ආණ්ඩුවට එන පිරිසක් ගැන මනුෂගෙන් ඉඟියක්
ඔක්තෝම්බර් 26 වැනිදා රටේ ඇතිවූ ප්‍රජාතන්ත්‍ර විරෝධී ගමනට එරෙහිව ආරම්භ කළ සටන පාර්ලිමේන්තුවේ බහුතරයක් ඇති අගමැතිවරයෙක් හා ඇමැති මණ්ඩලයක් පත් කරගැනීමත් සමග ජයග්‍රහණය කළ බව ගාල්ල දිස්ත්‍රික් පාර්ලිමේන්තු මන්ත්‍රී මනුෂ නානායක්කාර මහතා පැවසීය. මේ වන විට තමන් සිටින්නේ ජයග්‍රාහී මානසිකත්වයකින් බවත් ගාල්ල දිස්ත්‍රික් මනුෂ නානායක්කාර මහතා කියා සිටි. ඇමැතිධූර නොලැබීම සම්බන්ධයෙන් කිසිදු ගැටලුවක් නොමැති බවත් ගාල්ලේදී අද (23) පැවති ප්‍රවෘත්ති සාකච්ඡාවකදී අදහස් දක්වමින් ඔහු පැවසුවේය.
එහිදී වැඩිදුරටත් අදහස් දැක්වූ මනුෂ නානායක්කාර මහතා මෙසේද පැවසුවේය.
ඔක්තෝම්බර් 26 වැනිදා මේ රටේ කාලකන්නි තත්වයක් ඇති කරමින් ප්‍රජාතන්ත්‍ර විරෝධී ආකාරයට පාර්ලිමේන්තුවේ බහුතරයක් හිමි අගමැතිවරයා පත් කළා. ඉන් පසුව පාර්ලිමේන්තුව කල් තැබුවා. ඊටත් පස්සේ පාර්ලිමේන්තුව විසුරුවා හැරියා. මේ අවස්ථාවේදී තමයි මම ප්‍රජාතන්ත්‍රවාදයට එල්ලවෙන මරු පහරට එරෙහිව, පළමු නැගීසිටීම, පළමු හැරවුම් ලක්ෂය විදියට එදා මේ ප්‍රජාතන්ත්‍ර විරෝධී ගමනට එරෙහිව ඉදිරිපත් වුනා. ප්‍රජාතන්ත්‍රවාදය විනාශ කිරීමේ ගමනට මන්ත්‍රීවරු මුදල්, වරප්‍රසාද, වරදාන ලබාදෙමින් අරගන්න අවස්ථාවේදී මම ඒ සියල්ලට එරෙහිව නැගී සිටියා. මට ලැබුණ අමාත්‍යධූරයෙන් ඉල්ලා අස්වෙලා එදා මම තීරණයක් ගත්තේ ප්‍රජාතන්ත්‍රවාදය දිනවීම සදහාම පමණයි. එදයින් පස්සේ අධිකරණයෙන්, ජනතාවගෙන් හොද ප්‍රතිචාර ලැබුණා. පාර්ලිමේන්තුවේ බහුතරය අපි දිනා ගත්තා. ප්‍රජාතන්ත්‍රවාදය හා යුක්තිය සදහා වන සටන අපි ජයග්‍රහණය කළා. අපට නැවත වතාවක් ඔක්තෝම්බර් 26 වැනිදාට පෙර පැවති තත්වයට ගෙන ඒමට හැකියාව ලැබුණා. රටට නැවත ප්‍රජාතන්ත්‍රවාදය ජයග්‍රහණය කරවීමේ අවශ්‍යතාවය විතරයි අපිට තිබුණේ. ඇමැතිකම් ගැනීටම නෙමෙයි අපිට අවශ්‍ය වුනේ. එහෙම ඇමැතිකම් අරගන්න උවමනාවක් තිබුණා නම් මම එදා ඇමැතිකමක් තියාගෙන ඉන්නවා. ඇමැතිකම් අතහැරලා විපක්ෂයට එන්නේ නෑ. අපේ අනාගත පරපුරට මේ රටේ ප්‍රජාතන්ත්‍රවාදය රැකදීමට තමයි අපිට අවශ්‍ය වෙන්නේ. අපිට ඒකට ඕන කරන කොන්දක් තියෙනවා.
ශ්‍රී ලංකා නිදහස් පක්ෂය දාලා ගිහින් පොහොට්ටුවේ සාමාජිකත්වය ගනිපු අය ඉන්නවා. මහින්ද රාජපක්ෂ මහත්තයා ඇතුළු කණ්ඩායමම පොහොට්ටුවේ සාමාජිකත්වය අරගෙන තමන්ගේ ෆේස් බුක් ගිණුම්වල ඒවා දැම්මා. පත්තරවල ගියා. ටී.වී. එකේ ගියා. ඒ අයට විරුද්ධව ගනිපු විනය ක්‍රියාමාර්ගය මොකක්ද? මේ අය තවම ශ්‍රී ලංකා නිදහස් පක්ෂයේ සාමාජිකයින් බව එක්සත් ජනතා නිදහස් සන්ධානයේ මහ ලේකම්වරයා කියනවා. පොහොට්ටුවට ගිය අයට විරුද්ධව විනය පරීක්ෂණ ක්‍රියාත්මක කරලා නැතිනම් ඇමැතිකම් අතහැරලා ප්‍රජාතන්ත්‍රවාදය වෙනුවෙන් කටයුතු කරපු අයට විරුද්ධව විනය පරීක්ෂණ පවත්වන්න බෑ. අපි මේ ආණ්ඩුවේ කොටස්කරුවන්. මේ අය තමන්ට කන්න ඕන වුනාම ගොරකත් දඩමස් කරගන්නවා. මේවා දේශපාලන පක්ෂයකට හරියන්නේ නෑ. මේවා ගමේ කඩපිලේ කියන්න හොදයි. ඒත් මේවා කියමින් රටක් කරන්න බෑ.
දැන් මේ අය මාධ්‍ය සාකච්ඡා පවත්වත්දී පිටිපස්සේ තියෙන පොහොට්ටු ලකුණ කළු පාට රෙද්දක් දාලා වහලා තියෙනවා. මේ විදියට ජනතාව රවට්ටන්නේ කොහොමද? මොකක්ද මේ ලැජ්ජා නැති වැඩේ? මේ අය හැමදාම ජනතාව රවට්ටනවා වගේ තමන්ගේ මන්ත්‍රීකම රැක ගන්න පොහොට්ටුවේ සාමාජිකත්වය ගත්තේ නෑ කියලා කියනවා. මේ විදියට බොරු කියන අය දිහා බැලුවම වහල්ලුන්ට අබ සරණයි කියලා තමයි කියන්න වෙන්නේ. ආණ්ඩුවට එන්න තවත් ශ්‍රී ලංකා නිදහස් පක්ෂයේ මන්ත්‍රී කණ්ඩායමක් සූදානමින් සිටිනවා යැයි ඔහු කියා සිටියේය.
අධිකරණයේ වැඩ තහනම් වු මහින්ද ඉල්ලා අස්වීමක් නැහැ
පාර්ලිමේන්තුවෙන් ප්‍රතික්ෂේප වූ අධිකරණයෙන් වැඩ තහනමට ලක්වූ හිටපු අගමැති මහින්ද රාජපක්ෂට ඉල්ලා අස්වීමට අගමැතිධූරයක් නොතිබූ බව ගාල්ල දිස්ත්‍රික් පාර්ලිමේන්තු මන්ත්‍රී මනුෂ නානායක්කාර මහතා පවසයි.
කුණු රස මාධ්‍යයට නියෝජ්‍ය ඇමතිගෙන් ප්‍රහාරයක්
ආසියාවේ හොදම තොරතුරු දැනගැනීමේ පනත ඉදිරිපත් කරමින් මාධ්‍යවේදීන්ට නිදහසේ සිය මාධ්‍ය කටයුතු කරගෙන යාමට අවස්ථාව ලබාදී ඇති බවත් මාධ්‍යවේදීන්ගේ මූල්‍යාශ්‍ර ආරක්ෂා කිරීමට පියවර ගෙන ඇති බවත් නියෝජ්‍ය අමාත්‍ය මනුෂ නානායක්කාර මහතා පවසයි.
