මෙම සියවස තුළ සිදුවණ දීර්ඝතම චන්ද්‍රග්‍රහණය මෙය බව, අමෙරිකාවේ නාසා ආයතනය පවසනවා. ලොව බොහෝ ප්‍රදේශවල ජනතාවට එය දැකගැනීමට හැකිවණු ඇති බවයි, වාර්තා වන්නේ. පැය 3 යි, මිනිත්තු 28 ක් සහ තත්පර 23 ක කාලයක් චන්ද්‍රග්‍රහණය පවතිනු ඇති බවට අනුමාන කර තිබෙනවා. සියවස තුළ දීර්ඝතම චන්ද්‍රග්‍රහණය ලෙස මෙතෙක් සිදුව ඇත්තේ 2018 ජුලි 27 වැනිදා සිදු වූ පූර්ණ චන්ද්‍රග්‍රහණයයි. කෙසේ වුවද, එය පැයයි මිනිත්තු 43 ක කාලයකට සීමා වුණා.
ග්‍රිනිච් වේලාවෙන් හෙට අලුයම 3.58 ට මෙය සිදුවන බවටයි, ගණන් බලා ඇත්තේ. හෙට සිදුවන චන්ද්‍රග්‍රහණයේදී මෙය 97% ක ප්‍රමාණයකින් සිදුවන නිසා එය පූර්ණ චන්ද්‍රග්‍රහණයකට අතිශය ආසන්න බවටයි, සලකනු ලබන්නේ. උතුරු සහ දකුණු අමෙරිකාව, නැගෙනහිර ඔස්ට්‍රෙිලියාව, ඊසානදිග ආසියාව මෙන්ම අග්නිදිග ආසියාවේ ප්‍රදේශ රැසකට ද මෙය දිස්වනු ඇති. එහෙත් මැදපෙරදිග, අප්‍රිකාව, නැගෙනහිර යුරෝපය සහ මධ්‍යම ආසියාවේ ජනතාවට මෙය නොපෙනෙනු ඇති බවයි, විද්‍යඥයන් පවසන්නේ.
