රයිගම් සම්මාන උළෙල ඊයේ රාත්‍රී පැවැත්වුණේ, කොළඹ ෂැංග්‍රිලා හෝටල් පරිශ්‍රයේදී. ජාතික රූපවාහිනිය මෙවර සම්මාන රැසකින් පිදුම් ලැබූවා. මෙවර සම්මාන උළෙලේ විශේෂත්වය 2020 සහ 2021 වසර දෙකටම අදාළ සම්මාන ප්‍රදානය ද්විත්ව සම්මාන උළෙලක් ලෙස පැවැත්වීමයි. එලෙස ද්විත්ව සම්මාන උළෙලක් ලෙස එය පැවැත්වීමට සිදුවුයේ, කොවිඩ් ව්‍යාප්තිය හේතුවෙන්. අදියර 7ක් යටතේ, සම්මාන පිරිනැමීම සිදු කෙරුණා. ජාතික රූපවාහිනියේ වැඩසටහන් 39ක් සම්මාන සඳහා නිර්දේශ වී තිබුණා.
