මත්ද්‍රව්‍ය ජාවාරම් සම්බන්ධයෙන් ඔහු සමඟ තවත් පුද්ගලයින් දෙදෙනෙකු ද පොලිස් අත්අඩංගුවට පත්ව ඇත.
මෙම සැකකරුවන් සතුව තිබී රුපියල් ලක්ෂ 10 කට අධික වටිනාකමින් යුතු හෙරොයින් සහ අයිස් මත්ද්‍රව්‍ය ද පොලිස් භාරයට ගැනුණි.
තලංගම පොලීසියට ලැබුණු තොරතුරක් මත තලවතුගොඩ එකමුතු මාවත ප්‍රදේශයේ සිදු කෙරුණු වැටලීමකදී මෙම සැකකරුවන් අත්අඩංගුවට පත් වී ඇති බව වාර්තා වේ.
සැකකරුවන් තලවතුගොඩ සහ කිඹුලාවෙල ප්‍රදේශවල පදිංචිකරුවන් වේ.
තලවතුගොඩ බොත්තමා යනුවෙන් හැඳින්වෙන සැකකරු මීට පෙරද හෙරොයින් සමඟ අත්අඩංගුවට පත්ව අධිකරණයට ඉදිරිපත් කිරීමෙන් පසු ඇප මත මුදාහැර ඇති පුද්ගලයෙකි.
ඔහු දෙමටගොඩ චමින්ද නැමැති සංවිධානාත්මක අපරාධකරුවාගේ ගෝලයකු වන ආකාෂ් නැමැත්තාගේ මත්ද්‍රව්‍ය බෙදා හැරීම ද සිදුකර ඇති බවයි පොලිස් විමර්ශන වලදී හෙළි වී ඇත්තේ.
මෙම සැකකරුවන් කඩුවෙල මහේස්ත්‍රාත් අධිකරණයට ඉදිරිපත් කිරීමට නියමිතයි.
