නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා පැවසුවේ අදාළ මත්ද්‍රව්‍ය තොගය සහ අත්අඩංගුවට ගත් සැකකරුවන් වැඩිදුර විමර්ශන සඳහා පොලිස් මත්ද්‍රව්‍ය නාශක කාර්යාංශය වෙත භාර දුන් බවයි.
අත්අඩංගුවට ගත් සැකකරුවන් අතර මාතර ප්‍රදේශයේ පදිංචි පුද්ගලයන් දෙදෙනකුත්, පානම හා මීගමුවේ පදිංචි පුද්ගලයන් දෙදෙනකුත් සිටින බව හෙතෙම කීය.
කෙසේ වෙතත් වැටලීම කළ අවස්ථාවේදී එක් සැකකරුවකු පලා ගොස් ඇති බව සඳහන් කළ මාධ්‍ය ප්‍රකාශකවරයා අදාළ සැකකරු සොයා පොලිස් මත්ද්‍රව්‍ය නාශක කාර්යාංශය හා ගාල්ල පොලිසිය වැඩිදුර පරීක්ෂණ සිදුකරන බවත් පැවසීය.
