ගිනිගත්හේන කළුගල හරහා ලක්ෂපාන ප්‍රධාන මාර්ගයේ කළුගල ප්‍රදේශයේ දී අද අලුයම 2.30ට පමණ මෙම කන්ටේනර් රථය වංගුවක් ගැනීමේ දී මාර්ගය හරහා පෙරලී ඇත.
ගිනිගත්හේන පොල්පිටිය ඉදිකරමින් පවතින බොඩ්ලන්ඩ් ජල විදුලි ව්‍යාපෘතියට උපකරණ රැගෙන යමින් තිබූ කන්ටේනර් රථයක් මෙසේ මාර්ගය හරහා පෙරලී තිබේ. අනතුරින් කිසිවෙකුට හානි සිදුව නැත. එම මාර්ගයේ ගමන් ගන්නා වාහන විකල්ප මාර්ග ඔස්සේ ධාවනය කිරීමට ගිනිගත්හේන පොලීසිය කටයුතු කර ඇති අතර මාර්ගය හරහා පෙරලුණු කන්ටේනර් රථය මාර්ගයෙන් ඉවත් කිරීමට පොලීසිය කටයුතු කර ඇත.
