මෙම වසංගත තත්ත්වය හමුවේ මෙරට සංචාරක අංශයට උපකාර කිරීමට යුරෝපා සංගමය විසින් පිරිනමන ලද ප්‍රදානය වඩාත් ඵලදායී ලෙස භාවිත කිරීම සම්බන්ධයෙන් ශ්‍රී ලංකා සංචාරක සංවර්ධන අධිකාරිය සහ කොළඹ පිහිටි යුරෝපීය සංගම් තානාපති කාර්යාලය සාකච්ඡා කර ඇත.
ඒ අනුව මේ වනවිට යුරෝපා සංගමය විසින් ශ්‍රී ලංකා රජයට ප්‍රදානය කළ සමස්ත මුදල රුපියල් මිලියන 4,642 (යුරෝ මිලියන 22) ක් වන අතර එය මූලික වශයෙන් කෘෂිකර්මාන්තයට හා ගොවීන්ට ආධාර කිරීම සඳහා වෙන් කර ඇත.
ඉන් සංචාරක අංශය සඳහා යුරෝ මිලියන 3.5 ක් වෙන් කර ඇති බව ශ්‍රී ලංකා සංචාරක සංවර්ධන අධිකාරිය පවසයි.
