ජපානයේ චෙරි මල් එහි නියමිත කාලයට පෙර පිපී තිබේ. මෙය ක්‍රිස්තු වර්ෂ 812න් පසු චෙරි මල් කලින් හට ගැනුණු පළමු අවස්ථාව ලෙසයි සැලකෙන්නේ.

බ්‍රසීලයේ යුද නාවික සහ ගුවන් යන ත්‍රිවිධ හමුදාවේම ප්‍රධානීන් ඉල්ලා අස්වී තිබේ. එරට ජනාධිපති ජාර් බොල්සොනාරෝගේ පාලන තන්ත්‍රය සමග පවතින අර්බුද ඊට හේතුවයි.

කොරෝනා වෛරසය මුලින්ම සතුන්ගෙන් මිනිසුන්ට පැතිර ගොස් ඇති බවට ලෝක සෞඛ්‍ය සංවිධානය හා චීනය එක්ව නිකුත් කරන ලද නිවේදනයකින් දැක්වෙයි.

සූවස් ඇලේ සිරවූ කන්ටේනර් ප්‍රවාහන එවර් ගිවන් නෞකාවේ සිටි ඉන්දීය කාර්ය මණ්ඩලයට එරෙහිව නීතිමය ක්‍රියාමාර්ග ගනු ඇති බවට විදෙස් මාධ්‍ය වාර්තා කරයි. පසුගිය මාර්තු 23 වැනිදා සූවස් ඇල හරස් කරමින් සිර වූ මෙම නෞකාව නිදහස් කරගනු ලැබුවේ,දින 6කට පසුවයි.

සමස්ත ගෝලීය කොරෝනා ආසාදිතයන්ගේ සංඛ්‍යාව දොළොස්කෝටි 77 ලක්ෂ 71,000 ඉක්මවා ගොස් තිබේ. කොරෝනා වෛරසය හේතුවෙන් ‍ගෝලීය වශයෙන් 27 ලක්ෂ 96,000කට වැඩි පිරිසක් මියගොස් ඇති බව,සෞඛ්‍යය අංශ වාර්තා පෙන්වා දෙයි.

ඊජිප්තු සුවස් ඇල මාර්ගයේ ගමනාගමනය එවර් ගිවන් නෞකාව හේතුවෙන් තවදුරටත් අඩාලව පවතියි.

හිටපු ඉන්දීය ක්‍රිකට් නායක සචින් තෙන්ඩුල්කාර්ට නව කොරෝනා වෛරසය ආසාදනය වී ඇති බවට තහවුරු වී තිබේ.