උත්සවය ඊයේ රාත්‍රී පැවැත්වුණේ, බූස්ස ශ්‍රී ලංකා නාවික නෞකා නිපුන කඳවුරේදී.  විසිර යාමේ පෙළපාලියේ ප්‍රධාන ආරාධිතයා වූයේ, රියර් අද්මිරාල් සුජීව සෙනෙවිරත්නයි. විසිර යාමේ පෙළපාලිය පරීක්ෂාවෙන් අනතුරුව, පුහුණු කාලය තුළ විශේෂ කුසලතා දැක් වූ ආධුනික නාවිකයන් වෙත කුසලාන ප්‍රදානය කිරීම සිදු වුණේ, ප්‍රධාන ආරාධිතයා අතින්. දක්ෂතම ආධුනික නැවියාට හිමි කුසලානය හිමි කර ගත්තේ, ආර් පී එම් මධුසංඛයි. ආධුනික නැවියන් සරඹ පිටියෙන් ඉවත්ව යාමෙන් අනතුරුව, අලංකාරවත් සරඹ සංදර්ශනයකින් හා නාවික හමුදා තූර්ය වාදන කණ්ඩායමේ හා සංස්කෘතික කණ්ඩායමේ අංගවලින් උත්සවය වර්ණවත් වුණා.