විරෝධතාකරුවන්, ජනාධිපති ඇලෙක්සැන්ඩර් ලුකෂෙන්කෝට සිය ධුරයෙන් ඉල්ලා අස්වන ලෙස බලකර සිටියි. ජනාධිපතිවරයා නිවේදනය කළේ, තමා ධුරයෙන් ඉල්ලා අස්වීමට සූදානම් නැති බවයි. ජනාධිපති ලුකෂෙන්කෝට සහය පළ කරමින් ද ඇතැම් උද්ඝෝෂණ දියත් වන බව විදෙස් වාර්තාවල සඳහන්.
වසර 26ක් පුරා බෙලරුස් පාලනය කරන ජනාධිපති ලුකෂෙන්කෝ ඉකුත් ජනාධිපතිවරණයේදී 80%ක පමණ විශිෂ්ට ජයග්‍රහණයක් ලබා ගත් බව එරට මැතිවරණ කොමිසම පවසයි. කෙසේ වුවත් බෙලාරුස්හි ප්‍රධාන විපක්ෂය ඇතුළු අසල්වැසි නේටෝ රටවලින් ද නැවත මැතිවරණයක් කැඳවන ලෙස ලුකෂෙන්කොට බලකර සිටියි. බෙලරුස්හි තවත් නගර රැසක ද දැවැන්ත පෙළපාලි පැවැත්වෙන බව විදෙස් මාධ්‍ය වාර්තාවල සඳහන්.
