වැඩසටහන ක්‍රියාත්මක කරන්නේ, වනජීවි දෙපාර්තමේන්තුවයි. වන අලීන් සංක්‍රමණය වන ස්ථාන පිළිබඳ තොරතුරු පහසුවෙන් ලබාගැනීම, මෙහි අරමුණයි. මෙමඟින් අලි-මිනිස් ගැටුම අවම කිරීම සහ වන අලීන්ගේ ජීවිත සුරක්‍ෂිත කිරීමට හැකිවනු ඇත.
එමෙන්ම අලින්ට සිදුවන අනතුරු සහ අවශ්‍ය ප්‍රතිකාර පහසුවෙන් ලබාදීම කළ හැකි බව ද වනජීවි නිලධාරීන් පවසයි. ගිරිතලේ සහ අනුරාධපුර පශු වෛද්‍ය කණ්ඩායම් මේ සඳහා සහභාගි වී සිටී. වැඩසටහන යටතේ පොළොන්නරුව වනජීවි කලාපයේ, අලීන් 6 දෙනෙකුට කරපටි පැළඳවීමට නියමිතයි.
