මාතර දිස්ත්‍රික්කයට බලපා ඇති අයහපත් කාලගුණ තත්වයෙන් මතුව තිබූ ගංවතුර තත්වය මේ විට අඩුවෙමින් පවතින් බව මාතර දිස්ත්‍රික් ලේකම් ප‍්‍රදීප් රත්නායක මහතා කියා සිටියි.

දිවයිනේ නිරිත දිග කොටසට පවතින තද වැසි තත්වයේ තරම අඩුවීමක් අද (26) දින සිට බලාපොරොත්තු විය හැකි අතර දිවයිනේ බොහෝ ප්‍රදේශවලට අදත් සවස් කාලයේ ගිගුරුම් සහිත වැසි ඇතිවිය හැකි බවයි කාලගුණ විද්‍යා දෙපාර්තමේන්තුව පවසන්නේ.

වැසි තත්වය හේතුවෙන් දිස්ත්‍රික්ක පහක් සඳහා නායයෑම් පිළිබද පුර්ව අනතුරු ඇගවීම් නිවේදනයක් නිකුත් කිරීමට ජාතික ගොඩනැගිලි පාර්යේෂණ සංවිධානය පියවර ගෙන තිබේ.

දිවයිනට දැනට පවතින වැසි තත්වය හෙට රාත්‍රී දක්වා තවදුරටත් පවතිනු ඇතැයි, කාලගුණ විද්‍යා දෙපාර්තමේන්තුව පවසයි. දිවයිනේ බොහෝ පළාත්වල වැසි හෝ ගිගුරුම් සහිත වැසි ඇතිවන බවයි, කාලගුණ විද්‍යා දෙපාර්තමේන්තුව පවසන්නේ

ඉහළ කොත්මලේ ජලාශයේ ස්වයංක්‍රිය වාන් දොරටුව අද (17) උදැසන 8.00 සිට ස්වයංක්‍රියව විවෘත වී තිබේ. මධ්‍යම කදුකරයේ බටහිර බැවුම් ප්‍රදේශවලට ඇඳහැලෙන අධික වර්ෂාවත් සමගයි.

දිවයින ආශ්‍රිතව පවතින වැසි තත්වය ඉදිරි දින කිහිපයේත් පවතිනු ඇතැයි, කාලගුණ විද්‍යා දෙපාර්තමේන්තුව පවසයි.

මහවැලි, කැලණි, කළු, ගිං ගංගා හා අත්තනගලු ඔය අවට සිටින ජනතාව ජල මට්ටම් ඉහළ යෑම පිළිබඳ අවධානයෙන් පසුවන ලෙස ආපදා කළමනාකරණ මධ්‍යස්ථානය දැනුම් දෙයි.

කාසල්රි ජලාශයට ප්‍රධාන වශයෙන් ජලය ගලා බසිනා කෙසෙල්ගමුඔය පිටාර ගැලීමෙන් අද (16) උදැසන බගවන්තලාව ප්‍රදේශයේ පහත්බිම් රැසක් ජලයෙන් යටවී තිබේ.

පවතින අධික වැසි සහිත කාලගුණික තත්ත්වය හේතුවෙන් ප්‍රදේශ කිහිපයකට ආපදා කළමණාකරන මධ්‍යස්ථානය විසින් නායයෑමේ අනතුරු ඇඟවීම් නිකුත් කර තිබේ.

දිවයින ආශ්‍රිතව දැනට පවතින වැසි තත්වය ඉදිරි දින කිහිපයේ දී ද තවදුරටත් පවතිනු ඇති බව, කාලගුණ විද්‍යා දෙපාර්තමේන්තුව පවසයි.