මිනුවන්ගොඩ ප්‍රදේශයේ ඇතිවූ කලහකාරී සිද්ධියට අදාළව තමන් අත් අඩංගුවට ගැනීම වැළැක්වීමේ නියෝගයක් නිකුත් කරන මෙන් ඉල්ලා පිවිතුරු හෙළ උරුමය පක්ෂයේ උප නායක මධුමාධව අරවින්ද මහතා විසින් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර තිබේ.

ග්‍රෑන්ඩ්පාස්, වෙහෙරගොඩැල්ල කම්බි තොටුව ප්‍රදේශයේ දී ඇතිවූ ආරවුලක් හේතුවෙන් පුද්ගලයෙක් මියගොස් තවත් පුද්ගලයින් දෙදෙනෙකු තුවාල ලබා රෝහල් ගත කෙරිණ.

හෝමාගම,හබරකඩ ප්‍රදේශයේ යතුරුපැදියකින් ගමන් කරමින් සිටිය පුද්ගලයෙකු පරීක්ෂා කිරීමේ දී හෙරොයින් කිලෝ 1යි ග්‍රෑම් 300ක් අත්අඩංගුවට ගෙන තිබේ.

මන්නාරම, දුම්රියපොළ අසළ දී අයිස් මත්ද්‍රව්‍ය ග්‍රෑම් 923ක් සමග සැකකරුවෙකු හා සැකකාරියක් අත්අඩංගුවට ගෙන තිබේ.

ආගමන විගමන නීති උල්ලංගනය කරමින් වලංගු වීසා බලපත්‍ර නොමැතිව මෙරට රැඳී සිටිමින් සිටි ‍පාකිස්ථාන ජාතිකයෙකු හෙට්ටි‍පොල පොලීසිය විසින් අත්අඩංගුවට ගෙන තිබේ.

මොණරාගල, මරගල කන්ද රක්ෂිතයේදී පුරා වස්තු ලබා ගැනීමේ අරමුණින් කැණීම් කරමින් සිටි පුද්ගලයන් දෙදෙනෙකු හා කාන්තාවන් දෙදෙනෙකු කැණීම් සඳහා යොදාගත් උපකරණද සමඟ අත්අඩංගුවට ගෙන තිබේ.

කලහාකාරී හා නොසන්සුන්කාරී සිද්ධීන් සම්බන්ධව මහසෝන් බලකායේ ප්‍රධානී අමිත් වීරසිංහ සහ දූෂණ විරෝධී හඬ සංවිධානයේ මෙහෙයුම් අධ්‍යක්ෂ නාමල් කුමාර අත්අඩංගුවට ගෙන තිබේ.

මාතර, හක්මන, කිරින්ද ප්‍රදේශයේ නිවසක පවත්වාගෙන ගිය වල්ලාපට්ට එකතු කරන මධ්‍යස්ථානයක් පොලීසිය මගින් සොයා ගැනිණ. සැකකරුවෙක් සමග එහි තිබී කෝටි තුනකට අධික වල්ලා පට්ටා කිලෝ 500ක් හා පමණ සොයා ගැනිණ.

සන්නිවේදනය උපකරණ රැසක් සමග ඊට අදාළ උපකරණ තොගයක් ද මස්කෙළිය ප්‍රදේශයේ වතුයායක සිදුකළ වැටලීමකින් පසුව සොයා ගෙන තිබේ.

ISIS සංවිධානය සමඟ සෘජු සබඳතා පැවැත්වූ අලුත්ගම,වැලිපිටිය ප්‍රදේශයේ පුද්ගලයෙකු(23) ඔහුගේ නිවසේ දී අලුත්ගම පොලීසිය විසින් අත්අඩංගුවට ගෙන තිබේ.