දොඩංගොඩ,බෝම්ඹුවල, තිත්තවැල්ගොඩැල්ල ප්‍රදේශයේ දී මුදල් ඔට්ටුවට සූදු සෙල්ලම් කළ පිරිසක් අත්අඩංගුවට ගැනීමට යාමේදී ඊයේ රාත්‍රී (16) පොලිස් නිලධාරීන්ට පහර දීමේ සිද්ධියට සම්බන්ධ සැකකරුවෙක් අත්අඩංගුවට ගෙන තිබේ.

වැල්ලම්පිටිය තඹ කම්මලේ සේවකයෙකු වන කරුපයියා රාජේන්ද්‍රන් හෙවත් අබ්දුල්ලා නැමැත්තා තවදුරටත් ලබන 29 දක්වා රිමාන්ඩ් භාරයේ තැබීමට කොළඹ මහේස්ත්‍රාත් අධිකරණය නියම කළේය.

නීතිවිරෝධී ලෙස මෙරටට ගෙනආ දුම්වැටි තොගයක් සමග ශ්‍රී ලාංකික ගුවන් මගියෙකු කටුනායක ගුවන් තොටුපළ පැමිණීමේ පර්යන්තයේ දී රේගු නිලධාරීන් විසින් අත්අඩංගුවට ගෙන තිබේ.

නවගත්තේගම -තම්මැන්නාවැටිය ප්‍රදේශයේ ඉඩමක පාළු ළිදක් තුළ තිබී හිස් සහ ජීව පතුරම් තොගයක් සොයාගෙන තිබේ.

තැපැල් මගින් මෙරටට ලැබුණ මත් පෙති 2952ක් මධ්‍යම තැපැල් හුවමාරුවේ රේගු ඒකකය මගින් අත්අඩංගුවට ගෙන තිබේ.

අතුරුගිරිය නගරයේ ඊයේ සිදුකළ වැටලීමක දී හෙරොයින් ග්‍රෑම් 157ක් ළඟ තබාගෙන සිටි සැකකරුවෙකු සහ සැකකාරියක් අත්අඩංගුවට ගෙන තිබේ.

රුපියල් මිලියන 27.5ක් වටිනා මත්පෙති(Ecstasy)5,500ක් සමග පුද්ගලයෙකු මධ්‍යම තැපැල් හුවමාරුවේ දී රේගු අත්අඩංගුවට ගෙන තිබේ.

කොහුවල පොලීසියේ අපරාධ පරීක්ෂණ අංශයේ නිලධාරීන් විසින් ඊයේ ‍ව්‍යාජ අමෙරිකානු ඩොලර් 100 නෝට්ටු 50 සමඟ සැකකරුවකු අත්අඩංගුවට ගෙන තිබේ.

කොල්ලුපිටිය හෝටලයක දී ණය කාඩ්පත් මුද්‍රණය කිරීමට යොදාගන්නා යන්ත්‍රයක්, මුද්‍රණය කිරීමට භාවිත කරන හිස් කාඩ්පත් 5ක් හා ලැප්ටොප් පරිගණක යන්ත්‍රයක් සමඟ චීන ජාතිකයින් දෙදෙනෙක් අත්අඩංගුවට ගෙන තිබේ.

නෝටන්බ්‍රිජ්,කිරිවන්එළිය,ටැප්ලෝගම ප්‍රදේශයේ ගල් පර්වතයක් කඩා නිධානයක් ගැනීමට උත්සහ කළ සැකකරුවන් දෙදෙනෙකු අත්අඩංගුවට ගෙන තිබේ.