ප්‍රංශයේ නව අගමැති ප්‍රකාශයට පත්කිරීම අද

දෙසැ 13, 2024
ප්‍රංශ ජනාධිපති එමානුවෙල් මැක්‍රෝන් අද දින ප්‍රංශයේ මීළග නව අගමැතිවරයා ප්‍රකාශයට පත් කිරීමට නියමිත බව එරට ජනාධිපති කාර්යාලය නිවේදනය කර තිබෙනවා.

රට තුළ උද්ගතව ඇති දේශපාලනික අස්ථාවරත්වය යළි යථා තත්වයට පත් කිරීමට කඩිනමින් ගත් පියවරක් බවයි එම කාර්යාලය වැඩිදුරටත් ප්‍රකාශ කරන්නේ.

හිටපු ප්‍රංශ අගමැති මිචෙල් බානියර් ඉකුත්දා ප්‍රංශ පාර්ලිමේන්තුවේ විශ්වාසභංගයකින් නෙරපා දැමීමෙන් දින 8 කට පසුව අද දින නව අග්‍රාමාත්‍යවරයා නම් කිරීමට නියමිත බවයි වාර්තා වන්නේ.
 
පෝලන්ත සංචාරයක නිරතව සිටින ප්‍රංශ ජනාධිපති මැක්‍රෝන් සංචාරය කඩිනමින් නිමකර නැවත පැමිණීමෙන් අනතුරව මෙම ප්‍රකාශය ඉදිරිපත් කරන බවට එරට මාධ්‍ය වාර්තා වැඩිදුරටත් සඳහන් කරනවා.
 
මාස 6 ක් තුළ ප්‍රංශය දෙවනවරටත් දේශපාලනික අර්බුදයකට මුහුණපාමින් ඔහුගේ රජය පෙරළා දැමීමට අන්ත දක්ෂිණාංශික සහ වාමාංශික පාර්ශවයන් හිටපු අගමැති බානියර් ඇතුළු කැබිනට් මණ්ඩලයට එරෙහිව ගෙනා විශ්වාසභංගය පරාජය වීමෙන් පසු අගමැතිවරයාගේ ඉල්ලා අස්වීම සිදුවේ.
 
ඡන්දයකින් තොරව එරට අයවැය සම්මත කිරීමට අගමැතිවරයා ‍විශේෂ බලතල භාවිත කිරීමට එරෙහිවයි එම විශ්වාසභංග යෝජනාව ඉදිරිපත් වුයේ.
 
හිටපු අගමැති මිචෙල් බානියර් ඉකුත් සැප්තැම්බර් මස ජනාධිපතිවරයා විසින් අගමැති ධුරයේ පිහිටවු අතර ප්‍රංශයේ කෙටිම කාලයක් අග්‍රාමාත්‍ය ධුරය දැරූ පුද්ගලයා බවටයි ඔහු හඳුන්වන්නේ.

Latest News

23e3f038dd01f81919bf8670a6cb25b5 Generic

RCB පිටියේ වැඩ පෙන්වයි

අප්‍රේ 08, 2025

853bdeb279b374e842422313f4e63b87 Generic

ඉන්දුනීසියාව සෙළවෙයි

අප්‍රේ 08, 2025

1dfaef7c3a401716a6f895c0a1334050 Generic

ගන්දර වෙඩිතැබීමට සැකකරුවන් 02ක් පොලීසියට භාරවෙයි

අප්‍රේ 08, 2025

57145b6072c90b7d688828b7a5003de4 Generic

වසරේ සම්මානනීය නාලිකාවේ අභිමානය සමගින්, ජාතික රූපවාහිනියට රයිගම් ටෙලිස් සම්මාන 12ක්

මාර් 30, 2025

265c0935061b7284447107ff85238eb6 Generic

මෝදිගේ ශ්‍රී ලංකා සංචාරය ගැන නිල නිවේදයක්

මාර් 28, 2025

1e92c603ad3eed269b2d90456cda3d3c Generic

ප්‍රදේශ රැසකට ලොකු වැස්සක්

මාර් 28, 2025