සයින්දමරුදු පෙත්සමක් සමථයකට පත්වෙයි
සයින්දමරුදු කොට්ඨාසය ප්‍රාදේශීය සභාවක් වශයෙන් ප්‍රකාශ කිරීමේ නියෝගයක් නිකුත් කරන මෙන් ඉල්ලා 2017 වසරේ ගොනු කරන ලද මූලික අයිතිවාසිකම් පෙත්සමක් අද කැදවනු ලැබූ අවස්ථාවේදී එම ප්‍රදේශය නගර සභාවක් වශයෙන් ප්‍රකාශයට පත්කර තිබීම හේතුවෙන් එම නඩු කටයුත්ත ශ්‍රේෂ්ඨාධිකරණය හමුවේ සමථයට පත් කෙරිණ.
බදියුදීන්ගේ සොහොයුරු රිෆ්කාන්ට ඇප
අත්අඩංගුවට ගෙන රක්ෂිත බන්ධනාගාර ගත කළ හිටපු අමාත්‍ය රිෂාඩ් බදියුදීන් මහතාගේ සොහොයුරෙකු වන උතුරු පළාත් සභාවේ හිටපු මන්ත්‍රී රිෆ්කාන් බදියුදීන් මහතා ඇප මත මුදා හරින ලෙස කොළඹ මහේස්ත්‍රාත් අධිකරණය නියම කළේය.
සරත් විජේසූරියට එරෙහි පැමිණිල්ල අප්‍රේ.28 යළි විභාගයට
අධිකරණයට අපහාස කළේ යැයි චෝදනා කරමින් මහාචාර්ය සරත් විජේසූරිය මහතාට එරෙහිව ඉදිරිපත් කර තිබෙන පැමිණිල්ල අප්‍රේල් මස 28 වැනිදා යළි කැඳවන ලෙස අභියාචනාධිකරණය නියම කළේය.
පියදාස දිසානායකගේ ඇප ඉල්ලීම ගැන නියෝගය අප්‍රේල් මස 2වැනිදා
රාජ්‍ය දැව සංස්ථාවේ හිටපු සභාපති පියදාස දිසානායක මහතා තමන්ව ඇප මත මුදා හරින මෙන් ඉල්ලා ගොනු කර ඇති පෙත්සමට අදාළ නියෝගය අප්‍රේල් මස 02 වැනිදා ප්‍රකාශයට පත්කරන බව කොළඹ ත්‍රිපුද්ගල ස්ථිර මහාධිකරණය අද ප්‍රකාශ කළේය.
බෙලිගහ නව අධිකරණ සංකීර්ණයේ ඉදිකිරීම් කඩිනමින්
ගාල්ල,බෙලිගහ ප්‍රදේශයේ ඉදිකෙරෙන,නව අධිකරණ සංකීර්ණයේ ඉදිකිරීම් කඩිනම් කිරීමට, රජය තීරණය කර තිබේ.
ඉකුත් වසරේ බ්‍රිතාන්‍යයෙන් මෙරටට ආනයනය කරන ලද කැලිකසල අඩංගු බහලුම් ප්‍රවාහනය කිරීම වළක්වාලමින් පනවා තිබෙන තහනම් නියෝගයක් ඉවත් කරනවාද? නැද්ද? යන්න පිළිබඳ නියෝගය ලබන 04 වැනිදා ප්‍රකාශයට පත්කරන බව අභියාචනාධිකරණය නියෝග කළේය.
වෙලේ සුදාට එරෙහි නඩුව ඔක්.5 විභාගයට
රුපියල් ලක්ෂ 10ක මුදලක් අයථා ලෙස උපයා ගත් බවට චෝදනා කරමින් මේ වනවිට මරණීය දණ්ඩනය නියම වී සිටින ප්‍රබල මත්ද්‍රව්‍ය ජාවාරම්කරුවකු බව කියන ගම්පොළ විදානගේ සමන්ත කුමාර හෙවත් වෙලේ සුදා ඇතුළු විත්තිකරුවන් දෙදෙනෙකුට එරෙහිව ගොනුකර තිබෙන නඩුවේ විභාගය ඔක්තෝබර් මස 05 වැනිදා පැවැත්වීමට කොළඹ මහාධිකරණය නියම කළේය.
ගානියා බැරිස්ටර්ගේ ජංගම දුරකථන වාර්තාවල ප්‍රගතිය ඉදිරිපත් කරන්නැයි රහස් පොලීසියට නියෝග
ඉකුත්දා පැහැරගෙන යාමට ලක්වූ බව කියන ස්විස් තානාපති කාර්යාලයේ නිළධාරිනී ගානියා බැරිස්ටර් ෆ්‍රැන්සිස් නමැත්තියගේ ජංගම දුරකථනය පිළිබදව රජයේ රස පරීක්ෂකවරයාගේ වාර්තාව ලබා ගෙන ඉදිරි පරීක්ෂණ පවත්වා මාර්තු මස 31 වැනිදා එහි ප්‍රගතිය වාර්තාවක් ඉදිරිපත් කරන ලෙස කොළඹ මහේස්ත්‍රාත් අධිකරණය අද රහස් පොලීසියට නියෝග කළේය.
සජින් වාස්ට එරෙහි නඩු විභාගයට මහාධිකරණයෙන් දිනයක්
හිටපු පාර්ලිමේන්තු මන්ත්‍රී සජින් වාස් ගුණවර්ධන මහතාට එරෙහිව නීතිපතිවරයා ගොනුකර තිබෙන නඩුවේ විභාගය ලබන 25 වැනිදා ආරම්භ කිරීමට කොළඹ මහාධිකරණය නියම කළේය.
ඇවන්ගාඩ් නඩුවේ විරෝධතා පිළිබඳ නියෝගය ලබන 20වනදා
ඇවන්ගාඩ් සමාගමට එරෙහිව නීතිපතිවරයා විසින් ඉදිරිපත් කර තිබෙන අධිචෝදනා පත්‍රය නිෂ්ප්‍රභ කරන ලෙස විත්තිය විසින් ඉදිරිපත් කළ විරෝධතා පිලිබඳ නියෝගය ලබන 20 වනදා ප්‍රකාශයට පත්කරන බව කොළඹ ත්‍රිපුද්ගල මහාධිකරණ විනිසුරු මඩුල්ල නියම කරයි.