එක්සත් ජාතික පක්ෂයේ කෘත්‍යාධිකාරී මණ්ඩලයේ සාමාජිකයින් ඇතුළු පිරිසකගේ සහභාගීත්වයෙන් විශේෂ රැස්වීමක් සිරිකොත පක්ෂ මූලස්ථානයේ මේ වන විට පැවැත්වෙයි.

ඉතිහාසයේ විශාලතම පසුබෑමට ලක්වූ එක්සත් ජාතික පක්ෂයට මෙවර මැතිවරණයේ හිමිවූයේ එක් ජාතික ලැයිස්තු මන්ත්‍රී ධුරයට පමණයි. එම පක්ෂය ලබාගත් ඡන්ද සංඛ්‍යාව දෙලක්ෂ හතලිස් නවදහස් හාරසිය තිස් පහක්.

තමා ඇතුළු පිරිසගේ පක්ෂ සාමාජිකත්වය අත්හිටුවීමට එක්සත් ජාතික පක්ෂ කෘත්‍යාධිකාරි මණ්ඩලය විසින් ගනු ලැබු තීරණය හා ක්‍රියාත්මක කිරීම වැළැක්වීම සඳහා වාරණ නියෝගයක් නිකුත් කිරීම ප්‍රතික්ෂේප කරමින් කොළඹ දිසා අධිකරණය දුන් තීරණය නීතියට පටහැනි බව සමගි ජන බලවේගය පක්ෂයේ මහ ලේකම් රංජිත් මද්දුමබණ්ඩාර මහතා අද බස්නාහිර පළාත් සිවිල් අභියාචන මහාධිකරණය හමුවේ ප්‍රකාශ කළා.

හිටපු අමාත්‍ය රංජිත් මද්දුම බණ්ඩාර මහතා ඇතුළු එක්සත් ජාතික පක්ෂයේ සාමාජිකයින් 99 දෙනෙකුගේ පක්ෂ සාමාජිකත්වය අත්හිටුවීමට එම පක්ෂයේ කෘත්‍යාධිකාරි මණ්ඩලය ගෙන ඇති තීරණය ක්‍රියාත්මක කිරීම වළක්වාලමින් වාරණ නියෝගයක් නිකුත් කරන්නේ ද? නැද්ද? යන තීන්දුව මේ මස 22 වන දා ප්‍රකාශයට පත්කරන බව කොළඹ දිසා විනිසුරු අමාලි රණවීර මහත්මිය අද නියෝග කළා.

කොරෝනා වෛරසය පැතිරයාමත් සමග රටේ උද්ගතව ඇති තත්වය පිළිබඳව රජය සහ එක්සත් ජාතික පක්ෂය අතර සාකච්ඡාවක් අද (01) දහවල් ජනාධිපති කාර්යාලයේ දී ජනාධිපති ගෝඨාභය රාජපක්ෂ මැතිතුමාගේ සහ අග්‍රාමාත්‍ය මහින්ද රාජපක්ෂ මැතිතුමාගේ ප්‍රධානත්වයෙන් පැවැත්විණ.

ජාතික සමගි බලවේගය නමින් දේශපාලන පක්ෂයක් ලියාපදිංචි කිරීම සම්බන්ධයෙන් එක්සත් ජාතික පක්ෂය විරෝධය පළ කර තිබේ.

අද පැවති එක්සත් ජාතික පක්ෂයේ කෘත්‍යාධිකාරී මණ්ඩල රැස්වීමේ දී පක්ෂ නායකත්වයේ වෙනසක් සිදුවී නොමැත. 

විපක්ෂ නායක සජිත් ප්‍රේමදාස ඇතුළු සාමාජිකයින් 35ක් එක්සත් ජාතික පක්ෂයේ කෘත්‍යාධිකාරී මණ්ඩල රැස්වීම වර්ජනය කිරීමට තීරණය කර ඇතැයි වාර්තා වෙයි.

සිරිකොත පක්ෂ මූලස්ථානයේ ඊයේ (16) පස්වරුවේ පැවති එක්සත් ජාතික පක්ෂ පාර්ලිමේන්තු මන්ත්‍රී කණ්ඩායම් රැස්වීම ඉතාම උණුසුම් තත්වයකින් අවසන් වුයේ කිසිදු එකඟතාවකින් තොරවයි.

එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක මහතාගේ පක්ෂ සාමාජිකත්වය තාවකාලිකව අත්හිටුවීමේ තීරණය කර ඇති බව එම පක්ෂයේ මහලේකම් පාර්ලිමේන්තු මන්ත්‍රී අකිල විරාජ් කාරියවසම් මහතා පවසයි.