ගෝඨාභය - මහින්ද රාපක්ෂ, මාධ්‍ය මගහැර පළාගොස් ඇති බවත්, සංවිධානය කරන ලද මාධ්‍ය හමුවකට අවසාන මොහෝතේ ගෝඨාභය සහ මහින්ද රාජපක්ෂ නොපැමිණි බව පාර්ලිමේන්තු මන්ත්‍රී පාලිත රංගෙ බණ්ඩාර මහතා පවසයි.

වී ගොවියට පමණක් නොව මෙරට සියලු ගොවි ජනතාවට නොමිලයේ පොහොර ලබාදීමට තමන් කටයුතු කරන බව නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාස මහතා අවධාරණය කරයි.

හිට්ලර් සහ ඉඩී අමීන් තනියෙන් ඉන්නකොට බියගුල්ලෝ බවත් බලය ලැබිමෙන් පසු ඔවුන් ක්‍රියාත්මක වු බව කැබිනට් නොවන ඇමති සුජීව සේනසිංහ මහතා පවසයි.

තේ දල්ල මතින් පිපෙන්නට උත්සහ කරන පොහොට්ටුවට පිපෙන්නට වතු කම්කරුවන් කිසිසේත් ඉඩ ලබා නොදන බව නුවරඑලිය දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී මයිල්වාගනම් තිලකරාජ් මහතා පැවසයි.

ඡන්දදායකයාට වැදගත් වන රටේ අනාගත ප්‍රතිපත්ති සහ වැඩපිළිවෙළ සම්බන්ධයෙන් ජනාධිපති අපේක්‍ෂක සජිත් ප්‍රේමදාස මහතා සමඟ ප්‍රසිද්ධ විවාදයකට එක්වන ලෙස, එක්සත් ජාතික පක්‍ෂ ජනාධිපති ධූර අපේක්‍ෂක ගෝඨාභය රාජපක්‍ෂ මහතාට අභියෝග කරන බව පාර්ලිමේන්තු මන්ත්‍රී එස්.එම්. මරික්කාර් මහතා පවසයි.

නාවලපිටිය ආසනයේ එක්සත් ජාතික පක්ෂ නව සංවිධායක සසංක සම්පත් සංජිව මහතාව පිලි ගැනිමේ උත්සවයක් අද (15) නාවලපිටිය නගරයේදි පැවැත්විණ.

රටේ තරුණ පරපුර කේන්ද්‍ර කරගත් සංවර්ධන විප්ලවයක් ආරම්භකරන බව, නව ප්‍රජාතන්ත්‍රවාදි පෙරමුණේ ජනාධිපති අපේක්ෂක සජිත් ප්‍රේමදාස මහතා ඊයේ (14) පැල්මඩුල්ලේ පැවති ජන හමුවකදී ප්‍රකාශ කළේය.

විදේශ ආයෝජන ලංකාවට ගෙන ඒ මේ නව වැඩපිළිවලක් තමාගේ පාලන සමය තුළ ඇති කරන බව, නව ප්‍රජාතන්ත්‍රවාදි පෙරමුණේ ජනාධිපති අපේක්ෂක සජිත් ප්‍රේමදාස මහතා පවසයි. ඔහු මේ බව ප්‍රකාශ කළේ ඊයේ (14) පැවති ඇහැලියගොඩ ජන හමුවක් අමතමින්.

සඟ, වෙද, ගුරු, ගොවි, කම්කරු යන සියලු බලවේග තමා සමඟ අත්වැල් බැඳගෙන සිටින බව නව ප්‍රජාතන්ත්‍රවාදී පෙරමුණේ ජනාධිපතිධූර අපේක්‍ෂක සජිත් ප්‍රේමදාස මහතා පවසයි.

සමෘද්ධි සහනාධාරයට තවත් ප්‍රතිපාදන වෙන්කර එය ශක්තිමත් කරමින්, රණසිංහ ප්‍රේමදාස මහතා ආරම්භ කළ ජනසවිය වැඩසටහන යළි ක්‍රියාත්මක කරන බව අද (13) වැල්ලවාය නගරයේ පැවති ජනහමුවේ දි නව ප්‍රජාතන්ත්‍රවාදි පෙරමුණේ ජනපති අපේක්ෂක සජිත් ප්‍රේමදාස මහතා පැවසයි.

මෙහිදි වැඩිදුරටත් අදහස් දැක්වු සජිත් ප්‍රේමදාස මහතා...

බොහෝ පාලකයින් මේ රටේ දුප්පත් ජනතාව කරදරයක් ලෙසයි හිතුවේ. මගේ පියා රණසිංහ ප්‍රේමදාස මහතා ඔවුන් වෙනුවෙන් ජනසවිය වැඩසටහන ආරම්භ කළා. 1993 මැයි 1 වනදා එතුමා ජීවිතක්ෂයට පත්වීමත් සමග එම කටයුතු දිගින් දිගට සිදුකර ගෙන යන්න බැරිවුණා. අපේ රටේ දරිද්‍රතාවයෙන් පෙළෙන සියලු දෙනාට සමෘධි සහනාධාර වැඩපිළිවල එලෙසින්ම ක්‍රියාත්මක කරනවා. ඒ ක්‍රියාත්මක කරන ගමන්, ඒ සදහා තවත් ප්‍රතිපාදන වෙන්කර, එය ශක්තිමත් කරනවා.

ඒ අතර මම ඔවුන් වෙනුවෙන් තවත් නව වැඩපිළිවලක් එක් කරනවා. සෑම දුප්පත් පවුලක් වෙනුවෙන්ම මාගේ පියාණන්ගේ ජනසවිය වැඩසටහන ක්‍රියාත්මක කරනවා. සමහර පිරිස් සංඛ්‍යා ලේඛන නිර්මාණය කර ව්‍යාජ ප්‍රතිරූප පෙන්නනවා. නමුත් ජනසංඛ්‍යා ලේඛන දෙපාර්තමේන්තුව පෙන්වා දෙන විදිහට දළ වශයෙන් හතර දෙනෙකු ජීවත් වන පවුලකට මාසකට පනස්දහසක් පනස් පන්දහසක් අතර මුදලක් වියදම් වනවා. මෙවැනි ආදායමක් නොලබන කීදෙනෙක් ඉන්නවද? මේ පිරිස ගැන කවුරුත් අවධානය යොමුකරන්නේ නැහැ. ඒ අහිංසක, අසරණ, නිහඩ බහුතරය හඩ බවට මම පත්වෙනවා. ඒ වෙනුවෙන් ක්‍රියාකරන වීරයා බවට පත්වෙනවා.

ඒ වගේම මම රටේ ජාතික සංවර්ධනය වෙනුවෙන් විශේෂ ජනාධිපති කාර්යය සාධක බලකායක් ඇති කරනවා. සෑම දිසාපති කොට්ඨාසයකම ජාතික සංවර්ධන විශේෂ ජනාධිපති කාර්යය සාධක බලකා ඒකකයන් ස්ථාපිත කරනවා. ඒ සදහා නවීන තාක්ෂණය භාවිතා කරමින් ඊ - රාජ්‍යය පාලනයක් තුළින් දිනපතා ඒ ගැන සොයා බලනවා. දිසාපති කොට්ඨාෂ, ග්‍රාමසේවා වසම්, ආරම්භ කරන ව්‍යාපෘති, අවසන් කරන ව්‍යාපෘති, රටේ ජනතාවගේ ඉල්ලීම් අධික්ෂණය කර කොළඔ ඇති ජනධිපති කාර්යාලය මගින් රටට නගරයට, ගමට දැනෙන නව වැඩපිළිවලක් ආරම්භ කරනවා. ජාති, වර්ග, පක්ෂ භේද එහි නැහැ. ප්‍රශ්න තිබෙන සෑම ප්‍රදේශීය ලේකම් කොට්ඨාසයක්ම ජනාධිපති කාර්යය සාධක බලකායේ සමාජිකයින් කරගන්නවා.

සෞඛ්‍යය මධ්‍යස්ථානයේ හෝ පෙර පාසලේ ප්‍රශ්නයක් වුවත් මේ තුළින් කතා කළ හැකියි. රටේ ජනාධිපති දැනුවත්ව පැය 24 පුරාම, දින 365 ම නොනිදන සේවයක් මගේ ජනතාව වෙනුවෙන් සිදුකරන්න මම කැපවෙනවා. අපි අලුත් ගමනක් යන්නේ. හැමෝම මේ ගමනට ලෑස්ති වෙන්න. මේක දක්ෂයින්ට තැන දෙන දුෂිතයින් නැති තැනක්. අපි මේ ඇති කරන අලුත් ලංකාවේ ඓතිහාසික ජනතා සංවර්ධනයක් සිදුකරනවා.

සජිත් ප්‍රේමදාස ලංකාවේ සෑම පවුලක්ම ගොඩනගනවා. මේ රටේ ජීවත්වන සෑම පුද්ගලයෙකුගේම ජනජීවිතය උසස් කළ යුතුයි. මම ජිවිතය කැපකරන්නේ පොදු ජනතාවගේ සේවයට. පවුලේ සමාජිකයින් රැකගැනීම මගේ අරමුණ නෙමෙයි. මේ රටේ පවුල් ලක්ෂ හැටකට වැඩියි. ලක්ෂ 220 කට ආසන්න පුරවැසියන්. මගේ එකම අරමුණ ඔවුන් රැකගැනීමයි. පවුලේ සමාජිකයින්ට සුරසැප සහිත ලොවක් නිර්මාණය කිරීම මගේ අරමුණු අතර නැහැ. ජාති ආගම් පන්ති නොමැති ලක්ෂ 220ක ජනතාවගේ ජිවිතය සුඛිතමුදිත කිරීම මාගේ එකම අරමුණයි.

ජනතා සංවර්ධනය අපේ වගකීම හා යුතුකම. මේ ජනතාවගේ ආශිර්වාදයෙන් මම ජනාධිපතිවී පළමු මාස 48 තුළ මුලු ලංකාවෙම මහා, මධ්‍යයම, සුළු වාරිමාර්ග පද්ධති ප්‍රතිසංස්කරණය කර, කෙත්වතු සරුසාර කර, භවභෝග වලින් සපිරුණු පෝෂිත ලංකාවක් නිර්මාණය කරනවා... මගේ ප්‍රධාන ප්‍රතිඵත්තිය මිනිසා සුරක්ෂත කිරීමයි.