ගාසා තීරයේ සටන් විරාමයක් සඳහා හමාස් සංවිධානය යෝජිත සටන් විරාම කොන්දේසි ඊශ්‍රායල් අග්‍රාමාත්‍ය බෙංජමින් නෙතන් යාහු ප්‍රතික්ෂේප කර තිබෙනවා. සටන් විරාම යෝජනාවට ප්‍රතිචාර වශයෙන් හමාස් සංවිධානයේ ඉල්ලීම් මාලාවක් ඉදිරිපත් කිරීමෙන් පසුවයි, ඔහු මේ බව ප්‍රකාශ කළේ.
හමාස් සටන්කාමීන් සිය යෝජනා ඉදිරිපත් කර තිබු‍ණේ, දින 135 ක සටන් විරාමයක් ක්‍රියාත්මක කිරීමටයි. සියලුම ඊශ්‍රායල කාන්තා ප්‍රාණ ඇපකරුවන් සහ අවුරුදු 18 ට අඩු පිරිමි, මහලු සහ රෝගී පුද්ගලයින් නිදහස් කිරීමට ද හමාස් සංවිධානයේ එකඟතාව පළ කොට තිබුණා.
ඒ වෙනුවට ඔවුන් ඉල්ලා සිටියේ ඊශ්‍රායල සිරකඳවුරුවල සිටින කාන්තාවන් සහ ළමුන් නිදහස් කරන ලෙසයි. ඊශ්‍රායල හමුදා ගාසා තීරයේ ජනාකීර්ණ ප්‍රදේශවලින් ඉවත් විය යුතු බවට කෙරෙන කොන්දේසීන් ද එහි ඇතුළත්. එහෙත්, ඊශ්‍රායල අග්‍රාමාත්‍යවරයා එම සියලු කොන්දේසි ප්‍රතික්ෂේප කර තිබෙනවා.
ඔහු ප්‍රකාශ කරන්නේ, ගාසා තීරයේ සම්පූර්ණ ජයග්‍රාහනය මාස කිහිපයකින් ලබා ගත හැකි බවයි. සාකච්ඡා සඳහා කිසිදු ස්ථානයකට නොයන බවත් ජයග්‍රාහනය හැර වෙනත් කිසිදු ‍විසඳුමක් නොමැති බවත්, ඔහු ප්‍රකාශ කරනවා.
වයස අවුරුදු 102 ක පුද්ගලයෙකු ගුවන් යානයක් පැද වූ පුවතක් මහා බ්‍රිතාන්‍යයෙන් වාර්තා වනවා. ඔහු රාජකීය ගුවන් හමුදාවේ හිටපු ගුවන් නියමුවෙකු බවයි, බ්‍රිතාන්‍ය මාධ්‍ය වාර්තා සඳහන් කරන්නේ.
ජපානයේ රූ රැජින ලෙස පසුගියදා තේරී පත් වූ යුක්රේන සම්භවයක් සහිත තරුණිය විවාහකයකු සමඟ අනියම් ඇසුරක් පවත්වමින් සිටින බව තහවුරු වීමෙන් ඇගේ කිරුළ ආපසු භාර දීමට සිදු වී ඇතැයි විදෙස් මාධ්ය වාර්තා කරනවා.

චිලි රාජ්‍යයේ ඇති වූ ලැව් ගින්නකින් 46 දෙනෙකු ජීවිතක්ෂයට පත්ව තිබෙනවා.

කෙන්යාවේ ගිනිකොණදිග නයිරෝබි නගරයේ ගෑස් පිරවුම් කම්හලක සිදු වූ පිපිරීමකින් සහ ඒ සමග ඇති වූ ගින්නකින් තිදෙනෙකු මිය ගොස් තිබෙනවා.
ඊශ්රායලය සහ හමාස් ගැටුම් හේතුවෙන් ගාසා තීරයේ ගොඩනැගිලිවලින් අඩකට වඩා හානි වී හෝ විනාශ වී ඇති බව, නවතම විශ්ලේෂණ වාර්තා පෙන්වා දෙනවා.
ඔස්ට්‍රේලියාවේ ක්වින්ස්ලන්ඩ් ප්‍රාන්තයේ ප්‍රදේශ රැසකට බලපා ඇති ගංවතුර තත්වය නිසා හදිසි සේවා මෙහෙයුම් කඩිනම් කිරීමට ප්‍රාන්ත බලධාරින් පියවර ගෙන තිබෙනවා.

උතුරු කොරියාව, සිය නැගෙනහිර වෙරළට ඔබ්බෙන් මුහුදු ප්‍රදේශයට කෲස් මිසයිල කිහිපයක් එල්ල කර ඇති බව, දකුණු කොරියානු ආරක්‍ෂක අංශ පවසනවා.

මේ අතර, ලොව ප්‍රථම වරට IVF රයිනෝ ගැබ් ගැනීමක් ජර්මනියෙන් වාර්තා වී තිබෙනවා.

චීනයේ ශින්යූ නගරයේ වෙළඳ සැලක පහත මාල‍යේ ඇති වූ ගින්නකින් 39 දෙනෙකු මියගොස් 9 දෙනෙකු තුවාල ලබා තිබෙනවා.
න්යෂ්ටික ව්යසනයකින් ලෝකය විනාශ වීමේ අවදානම තවමත් ඉහළ මට්ටමක පවතින බව විද්යාඥයන් පෙන්වා දෙනවා.
දකුණු ගාසා තීරයේ විශාලතම නගරය වන ඛාන් යූනිස් නගරය, තම හමුදාව විසින් වටකර ඇතැයි ඊශ්රායල හමුදාව පවසනවා.

නිරිතදිග චීනයේ යුනාන් ප්‍රාන්තයේ අද උදේ සිදු වූ නාය අනතුරකින්, පුද්ගලයින් 8 දෙනෙකු ජීවිතක්ෂයට පත්ව තිබෙනවා.

පසුගිය ඔක්තෝබර් මස 07 වැනිදා සිට මේ දක්වා එල්ල වූ ඊශ්රායල ප්රහාර වලින් ගාසා තීරයේ මිය ගිය පිරිස 25,000 ඉක්මවා තිබෙනවා.

‍සිරියාවේ “ඩමස්කස්” අගනුවරට ඊයේ එල්ල වූ ඊශ්‍රායල ගුවන් ප්‍රහාරයකින්, සිය හමුදා උපදේශකයින් පස් දෙනෙකු මියගොස් ඇති බව, ඉරානයේ ඉස්ලාමීය විප්ලවවාදී ආරක්‍ෂක බලකාය පවසනවා.

මධ්‍යම චීනයේ පාසල් නේවාසිකාගාරයක ඊයේ රාත්‍රී ඇති වූ ගින්නකින් සිසුන් 13 ‍දෙනෙකු මරණයට පත්ව තිබෙනවා.

සඳ මතුපිට චන්ද්‍ර ගවේෂණ යානායක් සාර්ථකව ගොඩබැස්සවීමට ජපානය සමත්ව තිබෙනවා.

යුක්‍රේන ඩ්‍රෝන ප්‍රහාරයකින් රුසියාවේ තෙල් ගබඩා සංකීර්ණයකට අලාබ හානි සිදුව තිබෙනවා.

2023 වසර අවසානය වන විට චීනය සතු නව නිපැයුම් පේටන්ට් බලපත්‍ර සංඛ්‍යාව 40 ලක්ෂ 15000 ක් බව චීන ජාතික බුද්ධිමය දේපළ හිමිකම් දෙපාර්තමේන්තුව පවසයි. ඒ, චීන රාජ්‍ය මණ්ඩල ප්‍රවෘත්ති කාර්යාලයේ ඊයේ (16) පැවති මාධ්‍ය හමුවක දී ය.

යේමනයේ හූති කැරලිකරුවන් විසින් රතු මුහුදේ ගමන් කරමින් තිබූ භාණ්ඩ ප්‍රවාහන නෞකාවකට ‍ප්‍රහාර එල්ල කර තිබෙනවා.

Latest News