කාර්යක්ෂමතාව සහ නිර්මාණශීලිත්වය සඳහා කෘත්‍රිම බුද්ධිය භාවිතා කිරීම හේතුවෙන් ගූගල් සමාගම සිය ගෝලීය දැන්වීම් කණ්ඩායමෙන් සැලකිය යුතු පිරිසක් ඉවත් කරන බවට ප්‍රකාශ කර තිබෙනවා.
ඉරානය එල්ල කළ මිසයිල ප්‍රහාරයකින් පාකිස්ථානයේ ළමයින් දෙදෙනෙකු මියගොස් තිබෙනවා. තවත් තිදෙනෙකු තුවාල ලබා ඇති බවයි වාර්තා වන්නේ.

‍අමෙරිකානු හමුදාව එල්ල කළ නව ප්‍රහාරය සඳහා දැඩි ප්‍රතිචාරයක් දක්වන බවට, හූති කැරලිකරුවන් ප්‍රතිඥා දී තිබෙනවා.

කොලොම්බියාවේ කඳුකර ප්‍රදේශයක සිදුවූ නායයාමකින් 18 දෙනෙකු මරණයට පත්ව තිබෙනවා.

අමෙරිකාවේ සහ එක්සත් රාජධානියේ හමුදා, යේමනයේ හූති කැරළිකරුවන්ගේ ඉලක්ක වෙත ගුවන් ප්‍රහාර ආරම්භ කර තිබෙනවා.

ඇෆ්ගනිස්තානයේ හින්දු කුෂ් ප්‍රදේශයේ අද අලුයම රිච්ටර් මාපක 4.3 ක භූ කම්පනයක් සිදුව තිබෙනවා. විදෙස් මාධ්‍ය සඳහන් කරන්නේ, ඉකුත් පැය 24 තුළ ඇෆ්ගනිස්තානයෙන් වාර්තා වූ දෙවැනි භූ කම්පනය මෙය බවයි.
ඈන් කුමරිය ඊයේ (11) ශ්රී දළදා මාලිගාවේ දී දන්ත ධාතූන් වහන්සේ වැද පුදා ගත්තා.

ජපාන මුදල් අමාත්‍ය  සුසුකි සුනිචි මහතා දෙදින නිල සංචාරයක් සඳහා අද මෙරටට පැමිණියා ඒ, කටුනායක බණ්ඩාරනායක ජාත්‍යන්තර ගුවන් තොටුපොලෙන්.

චීන ජනාධිපති ෂී ජින් පිං මහතා මාලදිවයින් ජනාධිපති Mohamed Muizzu මහතා සමඟ සාකච්ඡා පවත්වයි. එම සාකච්ඡාව ඊයේ  (10) පස්වරුවේ බෙයිජිං අගනුවර මහජන මහ ශාලාවේදී පැවැත්විණ.
ඉක්වදෝරයේ රූපවාහිනී මධ්‍යස්ථානයක සජීවී විකාශයක් අතරතුර ආයුධ සන්නද්ධ කණ්ඩායමක් කඩාවැදී තිබෙනවා. එහි කාර්ය මණ්ඩලය බිය ගන්වා බිම දණගස්වා තැබීමේ දර්ශන මාධ්‍යයට නිකුත් කෙරුණා.

රුසියාවේ “බෙල්ගරඩ්” නගරයට යුක්‍රේන හමුදාව දැඩි ප්‍රහාර එල්ල කර ඇති බව, වාර්තා වනවා.

රුසියාව, උතුරු කොරියාවේ නිෂ්පාදිත බැලැස්ටික් මිසයිල භාවිතා කරන බව, අමෙරිකාව ප්‍රකාශ කරනවා. රුසියාව, යුක්‍රේනයට එරෙහි යුද්ධයේදී උතුරු කොරියාවේ නිෂ්පාදිත බැලැස්ටික් මිසයිල භාවිතා කොට ඇති බව, අමෙරිකානු ජාතික ආරක්ෂක කවුන්සිලයේ ප්‍රකාශක ජෝන් කර්බි ප්‍රකාශ කොට සිටිනවා.

ඊශ්‍රායලයේ සහ හමාස් යුද ගැටුම් අවසන් වීමෙන් පසු ගාසා තීරයේ අනාගත පාලනය සම්බන්ධයෙන් යෝජනා මාලාවක් ඉදිරිපත් කොට තිබෙනවා. ඊශ්‍රායල ආරක්ෂක අමාත්‍ය යෝව් ගැලන්ට් ප්‍රකාශ කොට සිටින්නේ, මින් ඉදිරියේදී ගාසා තීරය තුළ සීමිත පලස්තීන පාලනයක් පවතිනු ඇති බවයි.

යුක්රේනය සහ රුසියාව යුධ සිරකරුවන් සිය ගණනක් හුවමාරු කර ගෙන ඇති බව, දෙරටේ බලධාරීන් පවසනවා. මෙය, යුක්‍රේන - රුසියානු යුද්ධය ආරම්භ වූදා සිට හුවමාරු කරගත් වැඩිම යුධ සිරකරුවන් සංඛ්‍යාව ලෙසයි සැලකෙන්නේ .
ඊශ්‍රායල ඩ්‍රෝන ප්‍රහාරයකින්, හමාස් උප නායක සාලේ අල්-අරෝරි මියයාම සම්බන්ධයෙන්, හිස්බුල්ලා නායක හසාන් නසර්අල්ලා අදහස් දක්වා තිබෙනවා. ලෙබනනයට පහර දීමට එරෙහිව ඊශ්‍රායලයට අනතුරු අඟවමින් ඔහු කියා සිටියේ, ප්‍රහාරයට වගකිවයුතු සියලුම පාර්ශවලට දඬුවම් පමුණුවන බවයි.
හමාස් සංවිධානයේ උප නායකයා ඊශ්‍රායලය ඩ්‍රෝන ප්‍රහාරයකින් මියගොස් තිබෙනවා. ඔහු ජීවිතක්ෂයට පත්ව ඇත්තේ, ලෙබනනයේ සිටින හමාස් සාමාජිකයින් ඉලක්ක කර ගොඩනැගිල්ලක් වෙත ඊයේ එල්ල කෙරුණු ප්‍රහාරයකින්.
ජපානයට බලපෑ ප්‍රබල භූ කම්පනයෙන් විපතට පත්වූවන් මුදා ගැනීමේ මෙහෙයුම් අඛණ්ඩව ක්‍රියාත්මකයි. ඉකුත් පළමුවැනිදා සිදුවූ භූ කම්පනයෙන් මියගිය සංඛ්‍යාව 61 ක්.

ජපානයේ ටෝකියෝහි 'හනෙඩා' ගුවන් තොටුපොළේ ධාවන පථයේදී ගුවන් යානා දෙකක් ගැටීමෙන් ඒවා ගිනි ගැනීමට ලක් වුණා.

ජපානයේ සිදු වූ ප්‍රබල භූමිකම්පාවෙන් 48 දෙනෙකු ජීවිතක්‍ෂයට පත්ව තිබෙනවා.

දකුණු කොරියාවේ විපක්ෂ නායකයාට පිහි ඇනුමක් සිදුව තිබෙනවා. ඒ, බුසාන් නගරයේ පැවති ප්රවෘත්ති සාකච්ඡාවක් අතරතුරදී.

Latest News