සිංගප්පූරුවේ හදිසි මැතිවරණයක්

ජූනි 25, 2020

සිංගප්පූරු අග්‍රාමාත්‍ය ලි හියන් ලූන් එරට හදිසි මහ මැතිවරණයක් ප්‍රකාශයට පත් කර තිබේ.

එය ජුලි 10 පැවැත්වීමට නියමිතයි. සිංගප්පූරුවෙන් මේ දක්වා කෙරෝනා අසාදිතයින් 42,000 කට අධික පිරිසක් හඳුනාගෙන තිබේ. සිදුව ඇති සමස්ත මරණ සංඛ්‍යාව 26 ක්. ඉකුත් පැය 24 තුළ එරටින් නව ආසාදිතයින් 191 දෙනෙකු වාර්තා වුණා. අග්‍රාමාත්‍ය ලි හියන් ලූන් පවසන්නේ මෙවැනි පසුබිමක මහමැතිවරණය පැවැත්වීමට තීරණය කළේ රට හමුවේ ඇති අභියෝග ජය ගැනීමට ආණ්ඩුවට නව ජනවරමක් අවශ්‍ය නිසා බවයි. 

සිංගප්පූරුවේ කෙරෝනා ව්‍යාප්තිය වැඩි වශයෙන් සිදුව ඇත්තේ විදේශීය කම්කරු නේවාසිකාගාරවලයි. සියලු කරුණු සැලකිල්ලට ගෙන රට වසා දැමීමේ නීතිය ඉතා දැඩිව ක්‍රියාත්මක කිරීමට සිංගප්පූරුව කටයුතු කළා. මෙවර මහ මැතිවරණයට නාමයෝජනා බාරදීමේ දිනය ලෙස ජුනි 30 නම් කර තිබේ.

1965 වසරේ නිදහස ලැබීමෙන් අනතුරුව සිංගප්පූරුවේ පැවති සෑම මැතිවරණයකදී ම වත්මන් අගමැති ලි හියන් ලූන් ගේ මහජන ක්‍රියාකාරී පක්ෂය පහසු ජයක් හිමිකර ගැනීමට සමත් වුණා. මෙවර මැතිවරණයෙන් ද එම ජයග්‍රහණය එලෙසම පවත්වා ගැනීමට හැතිවනු ඇති බවටයි විශ්වාසය පල කෙරෙන්නේ. 

 

Last modified on බ්‍රහස්පතින්දා, 25 ජූනි 2020 11:26
මෙක්සිකෝවේ ප්‍රබල භූකම්පනයක් ජාත්‍යන්තර ඔලිම්පික් කමිටුව - WHO - UN යන සංවිධාන කොරෝනා සටනට එක්වෙයි

Latest News

Ece6c482e1fc5b65d22e7e2218dd5d0a Generic

දරුකමට හදාගත් දරුවෙකු මරාගත් යුවළකට මරණීය දණ්ඩනය

මාර් 06, 2025

Ce8339cf8f763de970a00c9734af7049 Generic

යාපනයේ වායු දූෂණය අවම කරන්න වැඩපිළිවෙලක් සකසන බව නීතිපති අභියාචනාධිකරණයට දැනුම්දෙයි

මාර් 06, 2025