පෙරදිග මුතු ඇටයට රන් සම්මානය

නොවැ 07, 2024

මෙවර Wanderlust Reader Travel Awards හිදී ශ්‍රී ලංකාවට Most Desirable Island කාණ්ඩ​යේ රන් සම්මානය හිමිවී තිබෙනවා.



23 වැනි වාර්ෂික Wanderlust Reader Travel Awards හි දී ශ්‍රී ලංකාව ‘ලෝකයේ වඩාත්ම කැමතිම දූපත’ ලෙසද තේරී පත් වී තිබෙනවා.

ලන්ඩනයේ පැවැත්වුනු සම්මාන උළෙලේ දී ලක්ෂ 2 කට අධික සංචාරකයින් පිරිසක් ශ්‍රී ලංකාව වෙනුවෙන් සිය ඡන්දය භාවිතා කර තිබෙනවා. රිදී සම්මානය තායිවානයට ද, ලෝකඩ සම්මානය Puerto Rico රාජ්‍යයට ද හිමි වුනා.

ලෝ ප්‍රක‍ට Wanderlust Travel මැගසීනය එක්සත් රාජධානිය පදනම් කරගත් ජාත්‍යන්තර සඟරාවක් වන අතර වඩාත් කැමති ගමනාන්ත, සංචාරක ක්‍රියාකරුවන් සහ සංචාරක සන්නාම ඇතුළු සංචාරක ක්ශේත්‍රයේ විවිධාංගීකරණයන් සඳහා එහි ඉඩ වෙන් කර ඇත.

ශ්‍රී ලංකාව ගිය වර මෙහි 8 වන ස්ථානය දිනා ගත් අතර ප්‍රථම ස්ථානය හිමි වුයේ ක්‍රොඒශියාවටයි.

“ඉන්දියන් සාගරයේ මුතු ඇටය” ලෙසින් හඳුන්වනු ලබන ජාතියේ ඉතිහාසයට ජීවය ලැබෙන්නේ සීගිරිය, දඹුල්ල, අනුරාධපුර සහ පොළොන්නරුව පුරාණ නටඹුන් දර්ශන වලිනි.

දිවියන්ගෙන් පිරුණු ජාතික වනෝද්‍යාන සහ තංගල්ල ත්‍රිකුණාමල වෙරළ තීරයන් තේ වතු සහ මධ්‍යම කඳුකරයේ සශ්‍රීක උස්බිම් වල ස්වාභාවික සෞන්දර්යත් ජාත්‍යන්තරයේ ඇස් මවිත කිරීමට සමත් වී ඇත.

Latest News

1f1bbe8cc1abb84082f48871fc21e94d Generic

10 වෙනිදා සිට කාලගුණයෙන් නොසිතූ දෙයක්

දෙසැ 07, 2024

Fe96c45004984bdb84b16b27d2dae78e Generic

මහ ඡන්දෙ ආදායම් හා වියදම් වාර්තා ලබාදීමේ කාලය අද මැදියමෙන් අවසන්

දෙසැ 06, 2024