විශ්ව රූ රැජින කිරුළ ඉන්දියාවේ 'හානාස් සන්දු'ට

දෙසැ 13, 2021

2021 විශ්ව රූ රැජින කිරුළ ඉන්දියාවට හිමිවිය. එරට නියෝජනය කරමින් තරගවැදුනු හානාස් සන්දු කිරුළ හිමිකර ගත්තේ, දෙවැනි සහ තෙවැනි ස්ථානය පැරගුවේ සහ දකුණු අප්‍රිකාව යන රටවලට හිමිකර දෙමින්.

මෙවර තරගාවලිය පැවැත්වුණේ, ඊශ්‍රායලයේ එලියට් නගරයේදී. රටවල් 79ක් නියෝජනය කරමින් තරගකාරියන් ඊට එක්ව සිටියේය. පැරගුවේ රාජ්‍ය නියෝජනය කළ නාඩියා ෆෙරෙයිරා දෙවැනි ස්ථානයත්, දකුණු අප්‍රිකාව නියෝජනය කළ ලලේලා ම්ස්වානි තෙවැනි ස්ථානයත්, හිමිකර ගනු ලැබීය.

මෙවර කිරුළ හිමිකර ගත් හානාස් සන්ද රංගන ශිල්පිනියක සහ සමාජ ක්‍රියාකාරිණියක ද වෙයි. ඇය රඟපෑ නවතම චිත්‍රපට දෙකක් ලබන වසරේ තිරගත වීමට නියමිතයි.

හානාස් සන්දු තොරතුරු තාක්ෂණය පිළිබඳ මූලික උපාධියක් ලබා ඇති අතර පරිපාලනය පිළිබඳ ශාස්ත්‍රපති උපාධියක් හදාරමින් සිටියි.
ඇයට කිරුළ පළඳනු ලැබුවේ පසුගිය වසරේ කිරුළ හිමිකර ගත් ඇන්ඩ්‍රියා මේසා විසින්.

මෙවර විශ්ව රූ රැජින කිරුළ පැවැත්වුණේ, 70 වැනි වරටයි. මීට පෙර විශ්ව රූ රැජිනියන් දෙදෙනෙකු ඉන්දියාවෙන් බිහි වී තිබේ. 1994 සුෂ්මිතා සෙන් සහ 2000 වසරේ ලාරා දත්තා එම ජයග්‍රාහිකාවන් දෙදෙනායි.

 

 

Last modified on සදුදා, 13 දෙසැම්බර් 2021 11:33

Latest News

1f1bbe8cc1abb84082f48871fc21e94d Generic

10 වෙනිදා සිට කාලගුණයෙන් නොසිතූ දෙයක්

දෙසැ 07, 2024

Fe96c45004984bdb84b16b27d2dae78e Generic

මහ ඡන්දෙ ආදායම් හා වියදම් වාර්තා ලබාදීමේ කාලය අද මැදියමෙන් අවසන්

දෙසැ 06, 2024