හිටපු ජනපති ජේ.ආර්.ජයවර්ධන මහතා ජපානයට සාමය උදාකරදීමට කළ දේශනය අනුස්මරණය කෙරේ...

සැප් 07, 2021

ශ්‍රී ලංකාවේ ප්‍රථම විධායක ජනාධිපති ජේ.ආර්.ජයවර්ධන මහතා විසින් ජපානයට සාමය උදාකරදිම වෙනුවෙන් 1951 සැප්තැම්බර් 06 වැනිදා අමෙරිකාවේ සැන්ෆ්‍රැන්සිස්කෝ නුවරදි කළ දේශනය අනුස්මරණය කිරීමේ උත්සවය ජපානයේ ටෝකියෝ නුවර පිහිටි ජපානයේ ශ්‍රී ලංකා තානාපති සංජීව් ගුණසේකර මහතාගේ ප්‍රධානත්වයෙන් ශ්‍රී ලංකා තානාපති කාර්යාලයේදි ඊයේ (06) පැවැත්විණ.  

ජේ.ආර්.ජයවර්ධන මහතා ශ්‍රි ලංකාවේ මුදල් ඇමතිව සිටිය දී  සැන් ෆ්රැන්සිස්කෝ නුවර පැවති සමළුව අමතමින් ජපානයට සාමය උදාකරදිමට අවශ්‍ය කරුණු සිය දේශනයෙන් ඉදිරිපත් කළේය. 

ජපානයට සාමය ලැබිමේ 70 වැනි සංවත්සරය සැමරීමට සමගාමිව, මෙම සැමරුම් උත්සවය පැවැත්විණ. වත්මන් කොරෝනා වෛරස් තත්වය හමුවේ සීමිත ජපන් ප්‍රභූ නියෝජිත පිරිසක් සමඟින් මෙම සැමරුම් උත්සවය පැවති බව ජපානයේ ශ්‍රි ලංකා තනාපති කාර්යාලය පවසයි. 

සාම්ප්‍රදායිකව පහන් ආලෝකමත් කිරිමෙන් සහ මල් තැබීමේන් අනතුරුව උත්සවය ආරම්භ විය.

හිටපු ජනාධිපති ජේ. ආර්. ජයවර්ධන මහතා සැන්ෆ්‍රැන්සිස්කෝ නුවරදි කළ දේශනය කියවීම ප්‍රධාන වශයෙන් සිදුකෙරිණ. ඡායාරූප ප්‍රදර්ශනයක්, දේශනය පිළිබඳ සහ 1951 සැන් ෆ්රැන්සිස්කෝ සමුළුවේ දර්ශන ඉදිරිපත් කිරීමක් ඊට සමගාමීව පැවැත්විණ.

ජපානයේ රජයේ සාමය ගොඩනැගීම, පුනරුත්ථාපනය හා ප්‍රතිසංස්කරණය පිළිබඳ හිටපු නියෝජිත යසුෂි අකාෂි මහතා, ජපානයේ හිටපු අගමැති යසුඕ ෆුකුඩා මහතා සහ වර්තමාන ජපාන ශ්‍රී ලංකා පාර්ලිමේන්තු මන්ත්‍රී මිත්‍රත්ව ලීගයේ මහලේකම් යූකෝ ඔබුචි මහත්මිය මෙම අනුස්මරණ උත්සවයේදී අදහස් දැක්වුහ.

හිටපු ජනාධිපති ජේ.ආර්.ජයවර්ධන මහතාගේ මුනුබුරෙකු වු ප්‍රදීප් ජයවර්ධන මහතා කොළඹ ජයවර්ධන මධ්‍යස්ථානයේ සිට සූම් තාක්ෂණය ඔස්සේ සජීවි වැඩසටහනට සහභාගී වී අදහස් පල කළේය. ආසියානු රටවල බොහෝ සාකච්ඡා හා හමුවීම් වලින් පසු ජපානයේ සාම කතාව ගොඩනැගුනු බවත් ඒ පිළිබඳ ඉතිහාසය ස්පර්ශකළ ජපානයේ ශ්‍රී ලංකා තානාපති සංජිව් ගුණසේකර කියා සිටියේ ස්වාධීන ජපානය සඳහා වූ පදනම වුයේ "කොළඹ සැලසුම් සම්මන්ත්‍රණයේ" බවයි.

අන්‍යෝන්‍ය ප්‍රශංසාව මත ගොඩ නැගී ඇති ශ්‍රී ලංකා - ජපාන සබඳතා පිළිබඳව තානපතිවරයා විසින් අදහස් පල කළේය. දෙරටේ ජනතාව අතර පොදු වූ සාරධර්ම, සංස්කෘතිය සහ බුදුන්ගේ ඉගැන්වීම පිළිබඳව ද මෙහිදි සිහිපත් කෙරිණ.

මෙම උත්සවය ආවරණය කිරීමට ජපානයේ ප්‍රධාන රූපවාහිනී නාලිකා මෙන්ම සියලුම මුද්‍රිත ආයාතන සහභාගි වු අතර එම අවස්ථාව සජිව විකාශයක් සිදුකෙරිණ.

Last modified on අඟහරුවාදා, 07 සැප්තැම්බර් 2021 18:43

Related items

  • ජේ. ආර්. ජයවර්ධන මහතාගේ “සෙන්ෆ්‍රැන්සිස්කෝ” දේශනයට වසර 71 ක්

Latest News

Cfe9c50cbaaab1bf3cf4cc1ab6379d04 Generic

පෞද්ගලික අංශයේ සේවකයින්ගේ වැටුප් වැඩි වෙයි

අප්‍රේ 08, 2025

23e3f038dd01f81919bf8670a6cb25b5 Generic

RCB පිටියේ වැඩ පෙන්වයි

අප්‍රේ 08, 2025

853bdeb279b374e842422313f4e63b87 Generic

ඉන්දුනීසියාව සෙළවෙයි

අප්‍රේ 08, 2025

1dfaef7c3a401716a6f895c0a1334050 Generic

ගන්දර වෙඩිතැබීමට සැකකරුවන් 02ක් පොලීසියට භාරවෙයි

අප්‍රේ 08, 2025

96920214ec0a4fd2674b6e808afb5fec Generic

රාමසාන් උත්සවයට ජනපතිගෙන් සුභාසිංසන

මාර් 31, 2025

57145b6072c90b7d688828b7a5003de4 Generic

වසරේ සම්මානනීය නාලිකාවේ අභිමානය සමගින්, ජාතික රූපවාහිනියට රයිගම් ටෙලිස් සම්මාන 12ක්

මාර් 30, 2025

265c0935061b7284447107ff85238eb6 Generic

මෝදිගේ ශ්‍රී ලංකා සංචාරය ගැන නිල නිවේදයක්

මාර් 28, 2025

1e92c603ad3eed269b2d90456cda3d3c Generic

ප්‍රදේශ රැසකට ලොකු වැස්සක්

මාර් 28, 2025