ඩෙල්ටා ප්‍රභේදයේ විකෘති ප්‍රභේද තුනක් ශ්‍රී ලංකාවෙන් (වීඩියෝ)

අගෝ 17, 2021

ශ්‍රී ලංකාවේ පැතිර යන ඩෙල්ටා කොවිඩ් ප්‍රභේදයේ විකෘති ප්‍රභේද තුනක් මේ වන විට මෙරටින් හඳුනාගෙන ඇති බව රාජ්‍ය අමාත්‍ය මහාචාර්ය චන්න ජයසුමන මහතා අද (17) පාර්ලිමේන්තුවේ දී ප්‍රකාළ කළේය.

ඒ අනුව SA 222V, SA 701S සහ SA 1078S යන ජාන කේතයන්ගේ වෙනසක් මෙරට ඩෙල්ටා ප්‍රභේදය තුළින් දැකිය හැකි බව ද රාජ්‍ය අමාත්‍යවරයා පැවසීය.

පැවති ප්‍රභේදයන්ට වඩා ඩෙල්ටා ප්‍රභේදය සියයට 60 – 70ත් අතර වේගයකින් පැතිර යන බව ද ඔහු වැඩිදුරටත් සඳහන් කළේය.

රෝගය පැතිරයාම වැළැක්වීම සහ රෝගයෙන් මියයන ප්‍රමාණය අවම කිරීම සඳහා එන්නත්කරණය වේගවත් කිරීමට කටයුතු කළ බවත් අමාත්‍යවරයා ප්‍රකාශ කළේය. ඒ අනූව, මෙරට ජනගහනයෙන් ලක්ෂ 119කට (54%) කුමන හෝ එන්නතක එක් මාත්‍රාවක් හෝ ලබා දී ඇති බවත් එම පිරිසෙන් ලක්ෂ 46කට දෙවැනි මාත්‍රාව ද ලබා දී ඇති බවත් අමාත්‍යවරයා පවසයි.

YouTube video player
Last modified on අඟහරුවාදා, 17 අගෝස්තු 2021 15:49

Related items

ධීවර ගම්මානවල ජනතාවට සහන සලසන්නැයි අගමැතිගෙන් උපදෙස් ETF නාරාහේන්පිට කාර්යාලය වසා දැමේ

Latest News