‍‍අමෙරිකාවේ නියෝජිත මන්ත්‍රී මණ්ඩලයේ කථානායිකා නැන්සි පෙලෝසි, තායිවානයේ, තායිපේ අගනුවර වෙත පැමිණියා.  සිය ආසියානු චාරිකාව අතරතුරයි ඇය මෙලෙස තායිවානය වෙත පැමිණියේ.

මියන්මාරයේ හදිසි නීතිය තවත් මාස 6කින් දීර්ඝ කර තිබෙනවා.  පසුගිය වසරේද එරට හමුදාව කුමන්ත්‍රණයකින් බලය අල්ලා ගැනීමෙන් පසු හටගත් නොසන්සුන්තාව තවමත් සමනය වී නැහැ.

අප්‍රිකාවෙන් පිටතදී මංකි පොක්ස් වෛරසය ආසාදනය වීමෙන් මියගිය පළමු පුද්ගලයා බ්‍රිසීලයෙන් වාර්තා වනවා. ස්පාඤ්ඤයේ ද මංකි පොක්ස් වෛරසය හේතුවෙන් සිදුවූ පළමු මරණය එරට සෞඛ්‍ය බලධාරින් විසින් නිවේදනය කර තිබෙනවා.

විරෝධතාකරුවන් පිරිසක් ඉරාක පාර්ලිමේන්තුවට කඩාවැදී තිබෙනවා. එරට පාර්ලිමේන්තුව විසින් අගමැතිවරයා නම් කිරීමත් සමග ඊට විරුද්ධ වූ පිරිස් පාර්ලිමේන්තුවට ඇතුළු වී විරෝධය පළ කර ඇති බවයි වාර්තා වන්නේ.