කුඩා දරුවන් 19දෙනෙකු සහ වැඩිහිටියන් දෙදෙනෙකු එම පිරිසට ඇතුළත්. 18 හැවිරිදි තරුණයෙක් වෙඩි තැබීම සිදුකර තිබෙනවා. පොලිස් වෙඩි පහරින් ඔහු ද මියගොස් ඇති බවයි, වාර්තා වන්නේ. අදාළ පුද්ගලයා පිස්තෝලයක්, AR15 වර්ගයේ අර්ධ ස්වයංක්‍රීය රයිෆලයක් සහ අධි ධාරිතාවෙන් යුත් මැගසින්වලින් සන්නද්ධව සිටි බව පොලිසිය පවසනවා.

ඔහු මීට පෙර සිය මිත්තණියට ද වෙඩි තැබීමක් සිදුකර ඇති බවට තොරතුරු වාර්තා වනවා. වෙඩික්කරු ද උවාල්ඩේ නගරයේම උසස් පාසලක අධ්‍යාපනය හදාරමින් සිටි අයෙකු බව විදෙස් වාර්තාවල සඳහන්. මෙම සිදුවීම අතිශය සංකීර්ණ ස්වභාවයක් පෙන්නුම කරන බවත්, ඒ පිළිබඳව කඩිනමින් විමර්ශන ආරම්භ කරන බවත්, ටෙක්සාස් ආණ්ඩුකාරවරයා ප්‍රකාශ කර තිබෙනවා. වෙඩි තැබීමට හේතුව හෙළි වී නොමැති අතර ඔහු තනිව ප්‍රහාරය සිදුකර ඇති බවටයි වාර්තා වී ඇත්තේ.