icc

ඩයනා කුමරියගේ මංගල ඇඳුම ඉදිරියේදී මහජන ප්‍රදර්ශනයට

මැයි 03, 2021

    ඩයනා කුමරියගේ මංගල ඇඳුම මහජන ප්‍රදර්ශනයට තැබීමට ඉදිරියේ දී සූදානම් වේ.

    එම ඇදුමේ දැනට හිමිකාරිත්වය පවතින විලියම් සහ හැරී කුමාරයින් ඒ සදහා අවසර දී ඇතැයි විදෙස් මාධ්‍ය වාර්තා කර ඇත.

    මෙම මංගල ඇඳුම එළඹෙන ජුනි මාසයේ සිට ඩයනා කුමරිය ජීවත් වූ බටහිර ලන්ඩනයේ පිහිටි කෙන්සිංටන් රාජකීය නිවසේදී ප්‍රදර්ශනය කෙරෙනු ඇත.

    1981 දී ලන්ඩනයේ ශාන්ත පාවුළු ආසන දෙව්මැදුරේදී චාල්ස් කුමරු සමඟ විවාහවන විට ඩයනා කුමරිය ඇඳ සිටි මංගල ඇඳුම, එරට රාජකීය ඉතිහාසයේ දිගම පිටුපසට වේලයක් දැමූ (foot train) මංගල ඇඳුම ලෙසින් ද සැලකේ. එහි දිග අඩි 25කින් යුක්තයි.

    ඩේවිඩ් සහ එලිසබෙත් එම්මානුවෙල් ඇදුම් නිර්මාණකරුවන් විසින් මෙම ඇඳුම සකස් කර තිබේ.

    ඊට පබළු සහ එලිසබත් මහරැජිනගේ මිත්තනිය වූ මේරි රැජිනට අයත් වූ රේන්ද කොටස් කිහිපයක් ද එක් කර ඇති බව සදහන්වේ.

    ඩයනා කුමරියගේ විවාහ ඇඳුම මෙලෙස ජනතා ප්‍රදර්ශනයට ඉදිරිපත් කරනුයේ වසර 25කට පසුවය.

    Wedding dress 900px 21 05 0

    Last modified on සදුදා, 03 මැයි 2021 09:51

    Latest News