මිලියන 90ක අමෙරිකානුවන් මේ වනවිට ජීවත් වන්නේ සෙල්සියස් අංශක සෘණ 17කට අඩු උෂ්ණත්වයකයි. අමෙරිකාවේ ප්‍රදේශ කිහිපයක අධික සීතල සමඟ තද සීතල සුළං තත්වයක් ද මතුවී තිබේ. චිකාගෝහි ඊයේ වාර්තා වූ උෂ්ණත්වය සෙල්සියස් අංශක සෘණ 30කි. උතුරු දකෝටා හි එය සෘණ 37 දක්වා පහළ බැස තිබේ.

එම උෂ්ණත්වය වාර්තා වන්නේ සීතල ඇන්ටාක්ටිකාවේ ඇතැම් ප්‍රදේශවල උෂ්ණත්වයට ද වඩා පහළ මට්ටමකයි. කඳුකර ප්‍රදේශවලට තද වැසි සමඟ හිම පතනය ද සිදුවේ. ප්‍රාන්ත කිහිපයක පාසල් සහ විශ්වවිද්‍යාල වසා දැමුණු අතර, අවලංගු කෙරුණු ගුවන් ගමන් සංඛ්‍යාව ද දෙදහසකට ආසන්නවේ.