වෙඩි තැබීම සිදුව ඇත්තේ,එරට වේලාවෙන් පස්වරු 3.00ට පමණ වන අතර උතුරු ෆිලඩෙල්ෆියාවේ ෆර්න් රොක්හි පිහිටි ප්‍රවාහන මධ්‍යස්ථානයක් තුළයි. ප්‍රහාරයට ලක්වූවන් වයස අවුරුදු 17 සිට 71 දක්වා වයස් කාණ්ඩවලට අයත් වූවන් වන බව,ෆිලඩෙල්ෆියා පොලීසිය පවසයි.
දැනට එක් පුද්ගලයෙක් සිද්ධිය සම්බන්ධව අත්අඩංගුවේ පසුවන අතර සැකකරු පිළිබඳ තොරතුරු විමර්ශනය කරමින් පවතියි.
ප්‍රහාරය සම්බන්ධයෙන් කිසිඳු චේතනාවක් හෝ අරමුණක් අනාවරණය නොවී ඇති අතර වෙනත් සැකකරුවන් සොයා පොලීසිය මෙහෙයුම් දියත් කරමින් සිටියි.
