ඉතිහාසඥයන් පවසන්නේ, එය වසර 45,500ක් පමණපැරණි බවයි. වනාන්තර බද ගල්ගුහාවක් තුළ සිතුවම් කර ඇති මෙමගින් පිළිබිඹු වන්නේ වල් ඌරෙකුගේ රූපයක්. සිතුවමට ඉහළින් පුද්ගල දෑතක් වැනි සිතුවමක් ද දක්නට ලැබෙයි.

වල් ඌරෙකුගේ සජීවී ප්‍රමාණයේ රූපයක් වන එය සෙන්ටිමීටර් 136ක් පළලින් හා සෙන්ටිමීටර් 54ක් උසින් යුක්තයි. ගල්ගුහාව තුළ ඌරන් තිදෙනෙකුගේ සිතුවම් පැවතිය ද ඉන් 2ක් විනාශයට පත්ව තිබේ.

මේ සිතුවම් ‍සොයා ගැනීමත් සමග එම කලාපයේ පැරණිතම ජනාවාස පිළිබඳ සාධක ද හමුවී ඇති බවයි ඉතිහාසඥයින් පවසන්නේ. මෙම සිතුවම් මිනිසා විසින් කිසියම් වස්තුවක් නිරූපනය වන පරිදි අදින ලද පැරණිම සිතුවම බව ද ඔවුන් පෙන්වා දෙයි. මිනිසා විසින් අදින ලද ලොව පැරණිතම සිතුවම හමුවී ඇත්තේ දකුණු අප්‍රිකාවෙන්. එය වසර 73,000ක් පමණ පැරණි වන අතර එහි සටහන් වන්නේ ගලක්මත අදින ලද රේඛා කිහිපයක්.