දේපළ රැසකට හානි සිදුවිය. 1999න් පසු, බෙංගාල බොක්ක මුහුදු ප්‍රදේශයේ ඇති වූ පළමු දරුණුතම මට්ටමේ සුළි කුණාටුව මෙයයි. ඉන්දියාවට ඇතුළු වන විට එහි ප්‍රබලත්වය අඩු වූ බවයි, එරට කාලගුණ විද්‍යාඥයන් පවසන්නේ. අම්ෆන් සුළිකුණාටුව හේතුවෙන් බංගලාදේශයේ හා ඉන්දියාවේ නගර කිහිපයක ගස් කඩාවැටී තිබේ. කුණාටුව හටගැනීමට පෙර, මිලියන 3කට ආසන්න ජනතාවක් ආරක්ෂිත ස්ථාන වෙත යොමු කිරීමට පියවර ගැනිණ.
වැඩි වශයෙන් ආරක්ෂක ස්ථාන කරා යොමු කළේ බංගලාදේශයයි. කෙසේ වෙතත්,කොවිඩ් 19 ව්‍යාප්තිය හේතුවෙන්, ජනතාව ආරක්ෂිත ස්ථාන වෙත යොමු කිරීම අසීරු වී තිබේ. පැයට කිලෝමීටර 185ක වේගයකින් හමා යන අම්ෆන් සුළි කුණාටුව, අද බංගලාදේශය හරහා ගමන් කර, භූතානයට ඇතුළු වන බවටයි, ඉන්දීය කාලගුණ අංශ අනාවැකි පළ කරන්නේ.
