කෘෂිකර්ම අමාත්‍යාංශයේ ඊයේ පැවති සාකච්ඡාවක දී, මේ බව, තීරණය කර තිබෙනවා.
ගොවි මහතුන්ට ඩීසල් වාසියක්
නොවැ 07,
2023
වගා හානි සිදු වූ ගොවීන්ට මහ කන්නයේ වගා කටයුතු සඳහා රුපියල් 17,000 ක ඩීසල් නොමිලයේ ලබා දීමට පියවර ගන්නා බව, අමාත්‍ය මහින්ද අමරවීර මහතා පවසනවා.
පසුගිය කන්නයේ දී නියඟය නිසා අක්කර 65,000 ක පමණ වගාවන්ට හානි සිදු වුණා.
එය රුපියල් 15,000 පොහොර සහනාධාරයට හා වගා හානි වන්දිවලට අමතරව ලබා දීමට, සාකච්ඡාවේ දී තීරණය කෙරුණා.
වගා හානි වෙනුවෙන් හෙක්ටයාරයකට රුපියල් ලක්ෂයක් ලබා දීමට ද කෘෂිකර්ම අමාත්‍යාංශය පියවර ගෙන තිබෙනවා.
චීන රජයෙන් ගොවීන්ට ලබා දුන් ඩීසල් සහනාධාරයෙන් ඩීසල් ලීටර් මිලියන 2 ක් පමණ ඉතුරුවක් පවතිනවා.
එම ඩීසල් තොගය වගා හානි සිදු වූ ගොවීන්ට ලබා දීමට තීරණය කර ඇති බවද අමත්‍ය මහින්ද අමරවීර මහතා කියා සිටියා. ඒ අනුව ගොවියෙකුට ඩීසල් ලීටර 40 ක් ලබා දීමට නියමිතයි.
උඩවලව ජලාශය සිඳී යාම නිසා වගා හානි වූ වලව කලාපයේ ගොවීන්ට ප්‍රමුඛත්වය ලබා දීමට ද තීරණය කෙරුණා.
