ක්‍රීඩා අමාත්‍ය නාමල් රාජපක්‍ෂ මහතා විසින් අනුමත කරනු ලැබූ ශ්‍රී ලංකා කණ්ඩායම අද ප්‍රකාශයට පත්කරනු ලැබීය. කණ්ඩායමට ක්‍රීඩකයින් 24ක් ඇතුළත්. ශ්‍රී ලංකා-එංගලන්ත ක්‍රිකට් තරගාවලියට 20-20 තරග 3ක් සහ එක්දින තරග 3ක් ඇතුලත්.

පළමු 20-20 තරගය ලබන 23 පැවැත්වෙන්නේ කාඩ්ෆ්හිදී. තරගාවලිය අවසන් වන්නේ ජුලි මස 4 වැනිදා පැවැත්වෙන තුන්වැනි එක්දින තරගයෙන්. ශ්‍රී ලංකා-එංගලන්ත තරගාවලියේ සියලු තරග රූපවාහිනී අයි නාලිකාව ඔස්සේ සජීව ලෙස විකාශය කෙරේ.