රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකට එක්වෙමින් අමාත්‍යවරයා මේ බව ප්‍රකාශ කළේය. ආදායම් බද්දට යටත් වන රුපියල් දෙලක්ෂ 50,000 සීමාවේ සිට 6%, 12% සහ 18% වශයෙන් බදු ප්‍රතිශත තුනක් හදුන්වා දී ඇති බවයි අමාත්‍යවරයා වැඩිදුරටත් ප්‍රකාශ කළේ.
එසේම තොරතුරු තාක්ෂණ අංශය සියලු බදු වලින් නිදහස් කර ඇති බව ද අමාත්‍යවරයා ප්‍රකාශ කලේය. නව බදු සංශෝධන අනූව බැංකු ගිණුම් පොලිය මත අය කළ රැඳවුම් බද්ද ද අහෝසි වෙයි.
මේ අතර, සුරක්ෂා රක්ෂණය හා ටැප් පරිගණක ව්‍යාපෘතියේ ගැටළුකාරී තත්වයන් කිහිපයක් මත තාවකාලිකව අත්හිටුවීමට කැබිනට් අනුමැතිය හිමිවූ බවත් කැබිනට් ප්‍රකාශක අමාත්‍ය බන්දුල ගුණවර්ධන මහතා පවසයි.
