icc

මුහුදු කූඩැල්ලන් තොගයක් නාවික හමුදා බාරයට

නොවැ 22, 2019

    නාවික හමුදාව විසින් මන්නාරම, වංකාලේ වෙරළ තීරයේදී නීති විරෝධී ලෙස ඇල්ලූ මුහුදු කූඩැල්ලන් තොගයක් සමඟ පුද්ගලයින් පස්දෙනෙකු (05) නාවික හමුදා බාරයට ගෙන ඇත.

    ඒ අනුව, උතුරු මැද නාවික විධානය විසින් සිදු කළ විශේෂ මෙහෙයුමක් අතරතුර දී බලපත්‍ර රහිතව නීති විරෝධී ලෙස මුහුදු කූඩැල්ලන් ඇල්ලීමේ කටයුතුවල නිරතව සිටි මෙම පුද්ගලයින් මෙලෙස නාවික හමුදා බාරයට ගෙන ඇති අතර, එහිදී ඔවුන් සතුව තිබී ඩිංගි යාත්‍රාවක්, පිටත දහන යන්ත්‍රයක්, මුහුදු කූඩැල්ලන් 123ක් නාවික හමුදා බාරයට ගෙන ඇත.

    මෙලෙස නාවික හමුදා බාරයට ගත් පුද්ගලයින් වයස අවුරුදු 29 ත් 44 ත් අතර වියෙහි පසුවන එම ප්‍රදේශයේම පදිංචිකරුවන් බව හඳුනාගෙන ඇති අතර, එම පුද්ගලයින්, මුහුදු කූඩැල්ලන්, ඩිංගි යාත්‍රාව, පිටත දහන යන්ත්‍රය සහ අනෙකුත් ධීවර ආම්පන්න ඉදිරි පරීක්‍ෂණ කටයුතු සඳහා මන්නාරම, සහකාර ධීවර අධ්‍යක්‍ෂක වෙත භාර දීමට කටයුතු කරන ලදී.

     

    Latest News