ගෑස් සඟවාගෙන ඇති බවට සහ වැඩි මිලට අලෙවි කරන බවට පාරිභෝගික කටයුතු පිළිබඳ අධිකාරියට පැමිණිලි රැසක් ලැබී තිබේ. දිවයිනේ ගෑස් බෙදා හැරීම බාධාවකින් තොරව සිදු වන බවයි ගෑස් සමාගම් පවසන්නේ. මේ වන විටත් දිවයිනට ප්‍රමාණවත් ගෑස් තොග ළගාවී තිබේ. ඉදිරියේ දී ගෑස් හිඟයක් ඇති නොවන බවයි එම සමාගම් පෙන්වා දෙන්නේ. ගෑස් සිලින්ඩරවලට පිරවීමේ කටයුතු යුහුසුළුව සිදු කෙරෙන අතර, ඒවා දිවයිනපුරා පිහිටි නියෝජිතයින් හා අලෙවිසැල් වෙත කඩිනමින් ප්‍රවාහනය කිරීමට ගෑස් සමාගම් පියවර ගෙන තිබේ.
