ශ්‍රී ලංකා පොදුජන පෙරමුණේ ප්‍රචාරක රැළිවලට සහභාගී වීමේ දී ශ්‍රී ලංකා නිදහස් පක්ෂයේ පිරිස් වෙත මුහුණ දීමට සිදුවී ඇති තත්වයන් ඊට හේතුවී තිබේ. ශ්‍රී ලංකා නිදහස් පක්ෂ මධ්‍යම කාරක සභාව ඊයේ රැස්වූ අතර ඉන් පසු මාධ්‍ය වෙත අදහස් දක්වමින් දයාසිරි ජයසේකර මහතා මේ බව කියා සිටියේය.
ශ්‍රී ලංකා නිදහස් පක්ෂ මහ ලේකම් දයාසිරි ජයසේකර...
"ශ්‍රී ලංකා නිදහස් පක්ෂය ලෙස ගෝඨාභය රාජපක්ෂ මහතා සහය පළ කිරීමට ජනහමු 5000කට අධික ප්‍රමාණයක් මුළුරටේම පැවැත්වීමට සූදානම්කර තිබෙනවා.ඊට අමතරව ගෙයින් ගෙට ගිහින් ශ්‍රී ලංකා නිදහස් පාක්ෂිකයන් දැනුවත් කිරීමට අද තීරණය කළා. නමුත්, අප සූදානම් නැහැ පවතින තත්වය උඩ පොදුජන පෙරමුණේ වේදිකාවට නැගලා ඔවුන් සමග එක්වන්න. ඒකෙන් වැඩක් වෙයි කියලත් අපි හිතන්නේ නෑ. ඒ අනූව ගම්මට්ටමේ හා බිම් මට්ටමේ ප්‍රචාරක කටයුතු අපි කරගෙන යනවා."
